Exodo 3:10 - Ing Mayap a Balita Biblia

¹⁰ Me keni; tuburan da ka king ari ning Ehipto ban kanita ilual me king Ehipto ing balen kung Israel.

Exodo 3:10 Iomraidhean Croise

Genesis 15:13

Ngana ning Ginu kang Abram, Tandanan mung masalese iti. Manuknangan la ding maging lahi mu king metung a bansang e karela. Gawan da lang ipus karin at pasakitan king bigsikan kilub ding apat a ralan a banua.

Genesis 15:14

Oneng parusan ke itang bansang ita. King katataulian, magdala lang dakal a pibandian ding maging lahi mu potang mako na la king bansang ita.

Ding Dalit 105:26

Kanita i Moises a talasuyu na tiburan ne, at i Aaron a pinili na.

Ding Dalit 77:20

Tinaid mong kekang memalen antimong metung a kawan king kapamilatan nang Moises ampon i Aaron.

Exodo 12:40

Menuknangan la karin Ehipto ding Israelita king kekaban da ring apat a ralan at atlung pulung banua.

Exodo 12:41

Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 33:12

Nganang Moises king Ginu, Ikayu ing sinabi kanaku king panimunan ku la ding taung deti king gabun a ita, oneng e yu naman sinabi kanaku nung ninung itubud yung akayabe ku. Sinabi yu naman kanaku king tune yu kung balu at king tutula kayu kanaku.

Exodo 33:13

Nung tutu pin king matutula kayu kanaku, sabian yu kanaku ing babalakan yu ban asuyuan da kayu at asundu ra kayung pamatulan. Ganakan yu naman king iting bansa ya ing pinili yung maging sarili yung bandi.

Exodo 6:26

I Aaron at i Moises ila kabud ding inutusan na ning Dios ban panimunan la at ilual Ehipto ding Israelita, agpang king tribu da.

Hosea 12:13

Mitubud yang propeta ing Ginu ban ilako ne ing balen ning Israel king panga-ipus na karin Ehipto, at ban ingatan ne.

Mikeas 6:4

Leko da kayu ibat Ehipto at inangu king panga-ipus. Tinubud ke i Moises, i Aaron at i Miriam ban manimuna kekayu.

Ding Dapat 7:34

Miglalawe ku at ikit ku ing mabayat a kasakitan a daralanan na ning kanakung balen karin Ehipto. Dimdam ku ing karelang saingsing at tinipa ku ngeni ban iligtas ku la. Meka keni ngeni, tuburan da ka karin Ehipto.

Ding Dapat 7:36

Tinaid na la at liwal Ehipto at dinapat yang milagru at makapagmulalang bage karin at king Dagat a Malutu at king disyerto kilub ding apat apulung banua.

Ding Dapat 7:6

Anti keni ing sinabi na ning Dios kang Abraham, Manuknangan la ding lahi mu king aliwang bansa at maging ipus la karin at pasakitan da la kilub ding apat a ralan a banua.

Ding Dapat 7:7

Oneng aku ing matul king bansang manipus karela, nganang mengaku ning Dios, at kaybat mako la ketang bansang ita at samba la kanaku king lugal a iti.

Ukum 6:14

Kanita nganang minutus ning Ginu, Mako na ka at iligtas me ing Israel king gamat da ring Midianita king kapamilatan ning sikanan a atyu keka. Aku ing mitutubud keka.

1 Samuel 12:6

Ngana pang Samuel karing tau, Ing Ginu ya ing saksi; ya ing memili kang Moises at Aaron at milual karing makatua yu king Ehipto.

1 Samuel 12:8

Inalipusta de ring tau Ehipto i Jacob at ing pamilya na inyang minta ya karin Ehipto. Kanita minaus la king Ginu, at tinubud ne karela i Moises at i Aaron ban milual karela Ehipto, at binie ne karela iting lugal a iti bilang karelang tuknangan.