Exodo 3:1 - Ing Mayap a Balita Biblia

¹ Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Exodo 3:1 Iomraidhean Croise

1 Ari 19:19

Meko ya i Elias, at kaybat ikit ne i Eliseo, ing anak nang Safat, sasarul ya king marangle. Labi lang metung a paris a baka ding makauna arap na at ing kalabing aduang paris ya ing sasarul na. Dinalan ya siping na i Elias at siklub ne kang Eliseo ing balabal na.

1 Ari 19:8

Mibangun ya; mengan at minum. Inya mibawi ing sikanan na ban makalakad ya kilub ding apat apulung aldo papunta king Bunduk ning Horeb, ing sagradung bunduk.

Ding Dalit 106:19

Karin king Horeb ginawa lang metung a biserung baka, at iting larawan a pinandayan ya ing karelang simban.

Exodo 17:6

Talakad ku arapan yu king metung a batung maragul karin king Bunduk ning Sinai. Pukpukan me ing batung ita, at sumibul karin ing danum a ainum da ring tau. Depatan nang Moises ita king akakit da ring manimuna na ning Israel.

Exodo 18:12

Migdala ya kanita i Jetro metung a ain-a-durulukan mabilug at aliwa pang ain ban iyain king Dios. Tinuki ya i Aaron at ding sablang manimuna na ning Israel ban makisulu ketang banal a pamisulusulu bilang metung a dake na ning kapanyamban.

Exodo 19:11

at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 19:2

Meko la king Refidim at migkampu la king lele na ning Bunduk ning Sinai.

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Exodo 2:16

Atin yang pitung anak a babai i Jetro, ing pari ning Midian. Misan a aldo, makalukluk ya i Moises king lele ning talaga; dinatang la deting mikakapatad ban saklung danum para karing tupa at kambing nang tata ra.

Exodo 2:18

Inyang minuli na la, kitang nang Jetro a tata ra, Obat maranun kayung minuli ngeni?

Exodo 2:21

Mebisa ya i Moises ing karin ne manuknangan at binie neng Jetro kang Moises ing anak nang i Zipora ban maging asawa na.

Exodo 24:13

Migsadia ya i Moises at i Josue a kasaup na; minukiat ya i Moises king bunduk.

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Exodo 3:5

Kanita ngana ning Dios, E ka lalapit. Ilukas mu la ding sandalyas mu uling sagradu ing gabun a tutukluan mu.

Exodo 33:6

Inya manibat na kanitang meko la king Bunduk ning Sinai e na la misulud pang nanumang alahas ding memalen na ning Israel.

Exodo 4:18

Mibalik ya i Moises kang Jetro, ing katuangan na, at ngana, Tatang, paintulutan yu ku sanang makapagbalik karing kamaganak ku karin Ehipto ban lawan ku nung mabie la pa. Mebisa ne man i Jetro at peintulutan neng mako i Moises.

Exodo 4:27

Ngana ning Ginu kang Aaron, Munta ka karin king disyerto at saganan me i Moises. Memintu ya i Aaron at minta ya king bunduk ning Dios. Disnan ne i Moises karin at saka ne inuma.

Amos 1:1

Deting amanu ila ding sinabi nang Amos. Pastul ya i Amos at tau ya king balen na ning Tekoa. Sinabi na la ning Dios kang Amos deting amanu aduang banua bayu dinatang ing ayun. I Uzia ya kanita ing ari king Juda at i Jeroboam a anak nang Joas ya naman ing ari king Israel.

Malakias 4:4

E yu la sa kakalinguan ding turu na ning talasuyu kung i Moises, ding utus at tuntunan a binie ku king kapamilatan na king Bunduk ning Sinai para karing memalen na ning Israel ban karelang pamintuan.

Ding Bilang 10:29

Nganang migsalitang Moises kang Hobab, ing bayo na, Makasadia na kaming maglakbe papunta ketang lugal a pengaku nang ibie kekami ning Ginu. Tuki na ka kekami at e ra ka paburen uling masanting karin.

Ding Bilang 10:33

Miglakbe lang atlung aldo ring Israelita kaybat deng likuan ing Sinai, ing sagradung bunduk ning Ginu. Makauna ya karela ing Kaban ning Kasunduan ning Ginu king pamaglakbe ra ban manintun lugal a pipagpaynawan da.

Lucas 2:8

King sakup na mu rin ning lugal a ita, ating pastul king marangle. Lalamayan da lang babanten ding tupa ra.

Ding Dapat 7:30

Kaybat dang milabas ding apat apulung banua, pepakit ya kang Moises ing metung a anghel libutad ning lablab ning mitataung tanaman keta king disyerto malapit king Bunduk ning Sinai.

Deuteronomio 1:2

Angga yang labing metung a aldo lakaran manibat king Horeb angga Kades Barnea, nung dumalan ka karing bulubundukan nang balen ning Seir.)

Deuteronomio 1:6

Inyang atyu tamu king Bunduk ning Sinai, sinabi na ning Ginung kekatamung Dios ing anti kaniti: Maluat na kayu mu ring menatili keting bunduk.

Deuteronomio 4:10

itang milyari inyang tinalakad kayu arapan na ning Ginung kekayung Dios karin king Bunduk ning Sinai, kanitang ing Ginu sinabi na kanaku, Tipunan mu la king arapan ku ding memalen ning Israel ban damdaman da la ring utus ku at mika takut la't kagalangan kanaku kabang bie ra. At ituru da la naman karing anak da.

Ukum 4:11

Ngeni i Heber, ing Keniteo, telakad ne ing tolda na malapit Kedes, siping na ning tanaman a ensina keta king Zananim. Linaut ya karing aliwang Keniteo a lahi nang Hobab a bayo nang Moises.

1 Samuel 16:11

Kanita nganang Samuel kang Jese, Ala na kang aliwa pang anak? Pekibat nang Jese, Atin pa; itang bungsu. Oneng alayu uling magpastul ya. Nganang Samuel kang Jese, Patubud ka at parakit me; e kata mangan anggang e ya datang.