Exodo 28:3 - Ing Mayap a Balita Biblia

³ Payaus mu la ding sablang talapagobrang dininan kung mangasanting a pangamat king pamanayi, at sabian mu karela king ila ding gawa king imalan nang Aaron ban akua na nang mitalaga bilang pari a sumuyu kanaku.

Exodo 28:3 Iomraidhean Croise

1 Ari 7:14

Ya ing anak nang lalaki ning babaing mebalu king tribu nang Neftali. Tau ya Tiro ing meyangu-bie tata na at pande yang tangsu. Biasa ya at magaling i Hiram king pamangawang kagamitan a tangsu. Dinatang ya inyang pepayaus neng Aring Solomon, at ya ing ating pakibatan king sablang megawa king tangsu.

Exodo 35:10

Ngana pang Moises, Kailangan lang datang magobra ding sablang mangagaling a pangamat kekayu at gawan da ing sablang bage a inutus nang magawa ning Ginu:

Exodo 35:25

Ding sablang babaing maki gelingan a pangamat king pamanabal imalan, minie lang sinulad a linen at sinulad a lanang asul, muradu ampon malutu a ila mismu ding minabal.

Exodo 35:30

Nganang Moises karing Israelita, Pinili ne ning Ginu i Besalel a anak nang Uri at apu nang Hur ning tribu nang Juda.

Exodo 35:31

Kitmuan ne king espiritu na at dininan neng gelingan, kagiwan, at beluan tungkul king nanumang uring obrang ating arti,

Exodo 35:35

Dininan na lang gelingan a pangamat king pamagdibuhung bakal, king pamanabal linen a mapinu, pamamurda king lanang asul, muradu ampon malutu, at aliwa pang uring tela. Agyu ra ngan gawan ing miyayaliwang obra at magaling la ngan king pamagdisenyu.

Exodo 36:1

I Besalel, i Oholiab, at ding sablang mangagaling a pangamat a dininan nang gelingan at beluan ning Ginu, ila ring gawa king sagradung Tolda at king sabla, agpang king inutus na ning Ginu.

Exodo 36:2

Inaus ne kanitang Moises i Besalel, i Oholiab, at ding sablang mangagaling a pangamat king obra a dininan nang gelingan ning Ginu at maki pusung malam bisang sumaup; sinabi nang Moises karela king magumpisa na lang magobra.

Ding Kasebian 2:6

Ing Ginu ya ing babie kabiasnan. King Ginu manibat ing beluan at pamanalastas.

Isaias 11:2

King uli ning espiritu ning Ginu tanggap yang kabiasnan, beluan, at gelingan para king pamanimuna king balen na. Balu na ing kaburian ning Ginu, at galangan ne;

Efeso 1:17

at aduan ku king Dios ning Ginu tamung Jesu-Cristo, ing marangal a Ibpa, king ibie ne sa kekayu ing Espiritung babie kabiasnan kekayu at pakilala king Dios ban lubus yeng abalu.

Deuteronomio 34:9

Kitmuan ya i Josue, ing anak nang Nun, king kabiasnan uling ya ing pinili nang Moises ban maging kayalili na. Pemintuan de ring memalen ning Israel i Josue, at memintu la karing kautusan na ning Ginu a miyabie king kapamilatan nang Moises.

Santiago 1:17

Ing sablang mayap at ing sablang ganap a grasya manibat banua; daratang ibat king Ibpa, ing Linalang karing sala king banua, ing e mibabayu ni gugulut pasaring kadalumduman.