Exodo 28:2 - Ing Mayap a Balita Biblia

² Ipagawa meng imalan pari i Aaron a kapatad mu; imalan a munie dangal at sintingan king obra na.

Exodo 28:2 Iomraidhean Croise

Job 40:10

Nung makanyan, talakad kang marangal, at maki dangalan; miblas ka king ligaya at kamalan.

Ding Dalit 132:16

Papagtagumpen ku ing sablang gagawan ding pari na; magkanta la at kulisak king tula ding sablang memalen na.

Ding Dalit 132:9

Ding kekang pari ing matulid ya sanang karelang gawan; kekang memalen king tula kulisak la sana!

Ding Dalit 149:4

Ing Ginu manakit yang tula karing memalen na; puputungan na la king tagumpe ding mapagpakumbaba.

Ding Dalit 96:6

Makapadurut king Ginu ing ligaya at kamalan; kayupayan at leguan ing atyu king keyang Templo.

Exodo 28:40

Pagawa ka namang kamisa, paha, at turban para karing anak nang Aaron ban mika dangal la at masanting lalawan.

Exodo 29:28

Sukat mipatupad manibat ngeni at king kapilan pa man iti: potang ding taung pinili ku yayampang da la ring ain-ning-pamisulusulu, ing pitsu, at ing puad ning animal a yayain da mangaintulid ya karing pari. Iti ya ing peka regalu da ring tau para kanaku, ing Ginu.

Exodo 31:10

ding banal a burdadung imalan a isulud nang Aaron at ding anak nang lalaki king pamaniuyu ra bilang pari,

Exodo 40:13

Kaybat, piblasan me i Aaron karing imalan para pari; lanian me at king anti kanitang paralan italaga me ban asuyuan na ku bilang pari.

Isaias 4:2

Ing panaun datang potang ing Ginu gawan na lang maragul at malabung ding sablang tanaman at dutung ning bansang Israel. Tumula la ding sablang taung mitagan at ipagmaragul da ing bubunga na ning gabun.

Isaias 52:1

Jerusalem, magpakasikan ka at magpakarangal pasibayu! Banal a siudad ning Dios, miblas kang mitmung leguan! E na la pasibayung lungub karing siudad mu ding paganu.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Isaias 61:3

ban detang tatangis king Zion kaku lang atdanan tula at saya king lugal ning kalungkutan, lugal king tangis magkanta lang kapurian. Mangari la karing tanaman a tenam na mismu ning Ginu. Daptan da ngan ing matulid at ustu, at purian de ing Dios uli ning depat na.

Isaias 64:6

Meging makasalanan ke ngan; agyang ing pekamayap ming dapat mengaring basan a marinat. Uli da ring kasalanan mi, meging anti kaming bulung a lalangi at pipaidpaid na ning angin.

Levitico 8:30

Kinangwa yang ditak king larung paglania i Moises ampon ditak ketang daya a atyu king altar, at pisikan ne kaniti i Aaron ampon ding anak nang lalaki. Pisikan na naman itang susulud dang imalan. King makanyan a paralan na la telaga at pati na ing susulud dang imalan.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Roma 13:14

Paburen yung i Jesu-Cristo a Ginu ya ing maging paniagka yu; e yu na panusigan ing e mayap nang pamitan ning kekayung keinan.

Roma 3:22

Lalapit na la ning Dios ding tau king sarili na king kapamilatan na ning kasalpantayanan da kang Jesu-Cristo. Daraptan na iti ning Dios karing sablang taung sasalpantaya kang Cristo. Paraparehu la ngan

Galacia 3:27

King pangabinyag yu miyabe kayu kang Cristo. Mipiblasan kayu king bie na mismung Cristo.

Hebreo 2:9

Oneng ing akakit tamu ya i Jesus a king sinaguling panaun megawang mababang ditak kesa karing anghel. Ngeni akakit ta yang makakorona king ligaya at dangalan uli na ning kamatayan a delanan na. Kaburian na ning Dios king takman yang kamatayan i Jesus para kekatamu ngan.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

2 Pedro 1:17

Atyu kami karin inyang dininan neng dangal at kaligayan ning Dios Ibpa, inyang ing siwala miras ibat king Kakataskatasan a Ligaya ning Banua at nganang sinabi, Iti ya ing sarili kung Anak a pakamalan, keya tutu kung mipamatulan!

1 Juan 3:2

Pakamalan kung kakaluguran, ngening kasalukuyan anak na katamu ning Dios, oneng e pa malino nung nanu ing maging kararasan tamu. Makanyan man, balu tamu king pamagbalik nang Cristo maging kalupa ta ya uling akit tamu ing tune nang kabilian.

Kapahayagan 19:8

Binie na na ning Dios king babaing kakasal na ing malinis at maputing imalan ban isulud na. (Ing imalan ya ing mayap dang dapat ding pinili na ning Dios.)

Kapahayagan 5:10

Gewa mong metung a kayarian ding pari para sumuyu king kekatamung Dios, at ilang mag-ari king yatu.