Exodo 28:1 - Ing Mayap a Balita Biblia

¹ Payaus me ing kapatad mung i Aaron at ding anak nang lalaki, i Nadab, Abihu, i Eleazar, at i Itamar. Ikalilua mu la karing memalen na ning Israel ban sumuyu la kanaku bilang pari.

Exodo 28:1 Iomraidhean Croise

1 Cronica 23:13

Ding anak nang Amram ila di Aaron at Moises. Mitalaga ya i Aaron at ding anak na king pamaningat karing bage sagradu king kapilan pa man. Ila ding duluk king insenso king altar ning Ginu at sumuyu ampon mamendisyun karing tau king lagyu na ning Ginu.

1 Cronica 6:10

Anak neng Joanan i Azaria (ing sinuyu king Templong pepagawa nang Aring Solomon king Jerusalem).

1 Cronica 6:34

I Samuel anak neng Elkana, at i Elkana anak neng Jeroham. I Jeroham anak neng Eliel, at i Eliel anak neng Toa.

2 Cronica 11:14

Likuan da la ring karelang pastulan at pibandian ban manuknangan king Juda at king Jerusalem, uling leko nang Aring Jeroboam at ding kayalili na ing sumuyu la king Ginu bilang pari.

Ding Dalit 115:10

Ikayung pari a lahi nang Aaron, ing Ginu ya ing kekong panaligan, uling ya ing kekayu babie kasaupan at kalasag.

Ding Dalit 99:6

I Moises at i Aaron pari na la, i Samuel naman menalangin ya; deti ngan king Ginu minaus la, at pekibatan na la.

Exodo 24:1

Ngana ning Ginu kang Moises, Panikan mu ku king bunduk; ituki mu la ri Aaron, Nadab, Abihu, at ding pitung pulung manimuna na ning Israel. Kabang makarayu kayu pang bagya, duku kayu at samba.

Exodo 24:9

Kaybat na nita, minta ya i Moises king bunduk; kayabe na la di Aaron, Nadab, Abihu, at ding pitung pulung manimunang makatua na ning Israel.

Exodo 28:41

Ipasulud mu la deting imalan kang Aaron a kapatad mu at karing anak nang lalaki. Kaybat, ordinan mu la at italaga king kapamilatan na ning pamitugtug mung larung olibo karela ban kanita makasuyu la kanaku bilang pari.

Exodo 29:1

Oyni ngeni ing sukat mung daptan kang Aaron at karing anak nang lalaki ban aitalaga mu la bilang paring sumuyu kanaku. Kuma kang metung a baintaung toro ampon aduang lalaking tupa a alang kapansanan.

Exodo 29:44

Gawan keng banal ing Toldang tuknangan ku ampon ing altar, at ibukud ke i Aaron at ding anak nang lalaki ban sumuyu la kanaku bilang pari.

Exodo 29:9

babatan mu la karing paha at itali mu la ring turban king buntuk da. Makanyan meng ordinan pari i Aaron at ding anak nang lalaki. Ila at ding maging lahi ra ilang sumuyu kanaku bilang pari king kapilan pa man.

Exodo 30:30

Kaybat lanian mia naman kaniti i Aaron at ding anak nang lalaki, at italaga mu la bilang pari a sumuyu kanaku.

Exodo 31:10

ding banal a burdadung imalan a isulud nang Aaron at ding anak nang lalaki king pamaniuyu ra bilang pari,

Exodo 35:19

ding burdadung imalan a isulud da ring pari potang susuyu la kilub ning Banal a Lugal, ding imalan a sagradu para kang Aaron a pari at karing anak nang lalaki.

Exodo 6:23

Mekiasawa ya i Aaron kang Eliseba a kapatad nang Nason at anak nang Aminadab. Ayanak da la ri Nadab, Abihu, Eleazar, at i Itamar.

Levitico 10:1

Kinua na lang Nadab at Abihu a anak nang lalaking Aaron ding karelang insensaryu; dininan da lang baya at saka ra biburan insenso ing baya. Kaybat, inain da iti arapan na ning Ginu. Oneng e makayagpang iting api king kautusan; ala yang kautusan ing Ginu tungkul kaniti.

Levitico 10:12

Ngana namang migsalitang Moises kang Aaron at karing adua nang anak a mitagan, i Eleazar at i Itamar, Kuanan yu itang arinang mitagan king ain-a-pamangan a miyain king Ginu. Gawan yu iting tinape alang lebadura at kanan yu king lele na ning altar uling iti binang banal.

Levitico 7:35

Iti ya ing dake na ning pamangan a miyain kanaku, ing Ginu, a minie kang Aaron at karing anak nang lalaki kanitang aldo a ila mitalaga lang sumuyu kanaku bilang pari.

Levitico 8:1

Ngana ning Ginu kang Moises,

Levitico 8:2

Ituki me i Aaron at ding anak nang lalaki karin king pasbul ning Toldang tuknangan ku. Idala mu ing imalan-pari, ing larung paglania, ing biserung toro para king ain-a-kapamayaran-king-kasalanan, ding aduang lalaking tupa, at ing basket a maki tinape alang lebadura.

Ding Bilang 18:7

Bukud mung ika at ding anak mu ing ganap king katungkulan pari, itang ating kaugnayan king altar at king nanumang atyu king Kabanal-banalan a Lugal. Ila deti ring pakibatan mu, uling binie ku keka bilang regalu ing panga-pari. Paten ya ing ninumang e karapatdapat lalapit king altar.

Ding Bilang 2:4

Pitu lang pulu't apat a libu at anam a ralan a kabilangan ding makasadiang makilaban.

Ding Bilang 26:61

Pero mete la ri Nadab at Abihu kanitang minain lang api a e karapatdapat king Ginu.

Lucas 1:8

Misan a aldo, ing grupu nang Zacarias ya ing makatutuk mangasiwa king Templo.

Deuteronomio 10:6

Miglakbe la ding memalen na ning Israel manibat king Beerot Benejakan angga king Mosera. Karin ya mete ampon mikutkut i Aaron, at i Eleazar a anak na ya ing meging kayalili na bilang pari.

Deuteronomio 18:5

Ibie iti karing Levitang pari, uling ila ring pinili na ning Ginung kekayung Dios ban sumuyu king kapilan pa man.

1 Samuel 2:28

Karing sabla nang tribu ning Israel pinili keng maging kanakung pari ban mangasiwa king kanakung altar, duluk insenso, at magdala king efod arapan ku; at king pamilya ning penibatan mu karin ku la tituk ding sablang ain-a-durulukan a idala da ring Israelita.