Exodo 27:3 - Ing Mayap a Balita Biblia

³ Gawa kayu namang pilulanan king abung mituluanan taba. Gawa kayu namang pala, palanggana, maragul a tinedor, at pipatawan api. Tangsu ing gamitan yung materialis para kareti ngan.

Exodo 27:3 Iomraidhean Croise

1 Ari 7:40

Gewa na la namang Hiram ding kalderang pididinan abu, ding pala, at silyo. Ayari na ngan ing sablang pagawa nang Aring Solomon para king Templo ning Ginu,

1 Ari 7:45

Gewa na la ngan Hiram king makintab a tangsu deting kasangkapan para kang Aring Solomon ban gamitan king Templo na ning Ginu.

1 Ari 7:50

ding kopa, ding pamatda karing sulu, ding silyo, ding palanggana, ding datukanan para king insenso, ding kawaling pididinan baya, ding bisagra da ring pasbul para king Kabanal-banalan a Lugal, at ding pasbul palual king Templo. Pawa la ngang megawa king gintung puru deting sablang kasangkapan.

2 Ari 25:14

Kinua da la naman ding pala at ding lulanan abu a gagamitan king pamaglinis king altar, ding kasangkapan a gagamitan karing sulu, ding palangganang gagamitan king pamanialud daya da ring ain-sakripisyu, ding silyo a gagamitan king pamanduluk insenso, at ding heganaganang tangsung kasangkapan a gagamitan king kasuyuan king Templo.

2 Ari 25:15

Kinua ra ngan ing bage megawa king gintu at pilak; ding malating silyo, ding kawaling gagamitan para king pamagdalang mibabayang uling,

1 Cronica 28:17

Penabilin na naman ing timbang na ning gintung puru at pilak a gamitan king pamangawa karing tinidor, silyo, banga, at pinggan,

2 Cronica 4:11

Pepagawa ya namang kaldera, pala, at silyo kang Huram. Ayari na ngang Huram ing heganaganang pagawa nang Aring Solomon para king Templo ning Dios. Ila deti:

2 Cronica 4:16

ding kaldera, pala, tinidor, at ding kasangkapan a pepagawa nang Aring Solomon kang Huram para king Templo ning Ginu. Megawa la ngan king makintab a tangsu.

Exodo 24:6

Kinua nang Moises ing kapitna king daya, at binili na karing mangaragul a datukanan. Sinabug na king altar ing mitagan.

Exodo 27:19

Kailangan la ngan tangsu ding sablang kasangkapan a magamit kilub ning Tolda at ding sablang tulus ning Tolda at ning patyu na.

Exodo 27:2

Mikabit kayung apat a sagu king babo da ring apat nang suluk, ita sanang makatuglung la mismu king altar, at balutanan yeng tangsu ing kabilugan.

Exodo 27:4

Gawa kayu namang sala-salang tangsu at dinan yeng apat a pasingsing a tangsu karing apat nang suluk.

Exodo 38:3

Gewa na la naman ding sablang kasangkapan a magamit king altar: ding piririnan abu, ding pala, ding palangganang gamitan para king pamamisik, ding tinedor, at ding pipatawan api. Tangsu ing ginamit na para kareting sablang kasangkapan.

Levitico 16:12

Kaybat, kuanan ne ing insensaryung mitmung mibabayang uling king altar. Kuma ya namang aduang kasakmal a mabanglung insensong mapinu at idala na iti kilub na ning Kabanal-banalan a Lugal.

Ding Bilang 4:14

Itumpak da la kanita babo da reti ding sablang kasangkapan a megamit king kasuyuan king altar antimo ring kawali, sipit, pala, at palanggana. Takpan da la reti king balat kambing at ibili la ring tambayuk.