Exodo 26:6 - Ing Mayap a Balita Biblia

⁶ Gawa kayu namang limang pulung sabitan a gintu para pitairan la ding adua ban maging metung la mu.

Exodo 26:6 Iomraidhean Croise

Exodo 26:11

Gawa kayung limang pulung sabitan a tangsu at isulud la karing telasingsing; ita sanang apituglung yu lang anting metung mung takap ding aduang kapisaniban.

Exodo 26:33

Isabit ye ing tabing karing makahilerang sabitan king bubungan na ning Tolda, at ilub ye kagulutan na ning tabing ing Kaban ning Kasunduan a datukanan da ring aduang tinabas a batu. Ing tabing atyu king pilatan da kanita ning Banal a Lugal ampon ning Kabanal-banalan a Lugal ya ing maging peka partisyun.

Exodo 26:5

Mibili kayung limang pulung telasingsing king gilid na ning wakas diling piliego ning mumunang kapisaniban, at parisan yu lang limang pulung telasingsing king wakas nang piliego ning kaduang pisaniban.

Exodo 26:7

Gawa kayu namang peka bubung na ning Tolda. Gumamit kayung labing metung a kapiliegong imalan a gewa king bulbul kambing.

Exodo 35:11

ing Tolda, ing peka bubungan na at ding tabing na, ding sabitan na, ding dalig, ding barakilan na, ding asias, at ding sulpakan;

Exodo 36:13

Ginawa lang limang pulung sabitan a gintu at ila deti ring ginamit da para pituglungan lang anting metung ding aduang kapisanib.

Exodo 36:18

Ginawa lang limang pulung sabitan a tangsu ban pituglungan da la ring aduang kapisanib para magawa yang anting metung mung bubungan.

Exodo 39:33

Pepakit da ngan kang Moises ing sablang meyari: ing Tolda at ding sabla nang kasangkapan, ding sabitan na, ding tablang peka dingding, ding barakilan, ding asias, at ding sulpakan,

Efeso 4:16

King kapamilatan na migaganap ya ing katawan manibat karing miyayaliwang dake na at nung ing balang dake gagampanan na ing katungkulan na, dagul ya at sikan ing mabilug a katawan king kapamilatan na ning lugud.