Exodo 26:1 - Ing Mayap a Balita Biblia

¹ Igawa yu kung Tolda, ing Toldang pituknanganan ku. Gamitanan yeng apulung kapiliegong linen a linala king asul, muradu, at malutung lana. Burdahan yu la karing larawan da ring kerubin.

Exodo 26:1 Iomraidhean Croise

2 Samuel 7:2

Kanita nganang David kang propeta Natan, Lawan mu, manuknangan ku keting palasyung megawa king sedro kabang atyu ne man ing Kaban ning Dios king metung mung tolda.

1 Ari 6:29

Mipalamutian ya ing mabilug a kuartu karing dinukit a larawan da ring kerubin, tanaman a palma, at sampaga.

1 Cronica 17:1

Nganang Aring David kang propeta Natan inyang makatuknang ne king palasyu na, Manuknangan ku king palasyung megawa king dutung a sedro samantalang ing Kaban ning Kasunduan ning Ginu atyu king tolda.

1 Cronica 21:29

Atyu ya king matas a lugal ning Gibeon ing Toldang tuknangan ning Ginu a gewa nang Moises king ilang at ing altar nung nu da la durulukan ding ain.

Exodo 25:18

Gawa kayung aduang kerubin; pikpuk a gintu ing gamitan yu.

Exodo 25:4

mapinung telang linen; asul, muradu, at malutung lana; telang megawa king bulbul kambing;

Exodo 25:8

Sukat da kung panalakad metung a Toldang pipanalanginan ban maging tuknangan ku libutad da.

Exodo 26:2

Piparaparehuan yu la sukad deting apulung kapiliego; labing apat a yarda la king kaba at aduang yarda king lapad.

Exodo 26:31

Gawa kayung tabing king telang purpura a kule asul, muradu, at malutu; paburda meng ating kerubin.

Exodo 26:36

Para king pasbul a palub king Tolda, gawa kayung metung a tabing king mapinung linen a linalang asul, muradu, at malutung lana a mipalamutian king miyayaliwang burda.

Exodo 31:7

Ila ding gawa king Toldang tuknangan ku, king Kaban ning Kasunduan at ing takap na, ding sablang kasangkapan ning Tolda,

Exodo 35:11

ing Tolda, ing peka bubungan na at ding tabing na, ding sabitan na, ding dalig, ding barakilan na, ding asias, at ding sulpakan;

Exodo 35:35

Dininan na lang gelingan a pangamat king pamagdibuhung bakal, king pamanabal linen a mapinu, pamamurda king lanang asul, muradu ampon malutu, at aliwa pang uring tela. Agyu ra ngan gawan ing miyayaliwang obra at magaling la ngan king pamagdisenyu.

Exodo 35:6

linen a mapinu; lanang asul, muradu o kaya malutu; telang megawa king bulbul ning kambing,

Exodo 36:35

Ginawa lang metung a tabing king linen a mapinu a pemaltakan king sinulad a lanang asul, muradu ampon malutu, at birdahan karing larawan da ring kerubin.

Exodo 39:3

Pikpuk dang maimpis a maimpis ing dase-dase a gintu, at tinabas dang mangakitid, at iti ing linala da karing telang linen a mapinu at king lanang asul, muradu, at malutu.

Exodo 40:2

Italakad mu ne king mumunang aldo ning mumunang bulan ing Toldang tuknangan ning Ginu.

Ding Bilang 3:25

Ila ring ating katungkulan king Tolda; karing tabing kilub, king kilual, at king palub;

Ding Bilang 4:25

pusanan da la ring tabing na ning Tolda, ing takap king kilub at king kilual, ing balat a mapinung panakap, ing tabing king pasbul na ning Tolda,

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 2:21

Oneng ing Templong amanuan na ya ing katawan na.

Hebreo 8:2

Ya ing pekapun ding pari a susuyu king Kabanal-banalan a Lugal, ngana wari, king tune tolda a telakad na mismu ning Dios, e ning tau.

Hebreo 9:2

Telakad de ing metung a tolda a ating aduang dake. Ing mumunang darasnan ya itang ausan dang Banal a Lugal. Kilub na niti atyu ing lampara, ing lamesa, at ding tinape a yayain da king Dios.

Hebreo 9:9

Iti metung ya mung anino at ing pakilala na ya pin ing panaun a kasalukuyan. Buri nang sabian niti king detang ain at animal a sasakripisyu ra karin e re agawang ganap ing pusu na ning talasamba.

Kapahayagan 19:8

Binie na na ning Dios king babaing kakasal na ing malinis at maputing imalan ban isulud na. (Ing imalan ya ing mayap dang dapat ding pinili na ning Dios.)

Kapahayagan 21:3

Kabud-abud dimdam ke ing masikan a siwalang ibat king tronu. Ngana, Ngeni, ing tuknangan na ning Dios atyu libutad da ring tau! Manuknangan yang kayabe da ring tau at maging balen na la. Akayabe re ing Dios at ya ing maging Dios da.