Exodo 24:8 - Ing Mayap a Balita Biblia

⁸ Kinua na kanitang Moises ing daya karing datukanan, at pisikanan na la kaniti ding tau. Ngana karela, Iti ya ing daya a tanda ning kasunduan a tinatag na ning Ginu at ikayu kanitang binie na la deting sablang kautusan.

Exodo 24:8 Iomraidhean Croise

1 Ari 8:21

Pepasadia ku munamang metung a lugal karin para king Kaban a pagbilian na ning kasunduan a gewa na ning Ginu karing kekatamung makatua kanitang liwal na la king Ehipto.

1 Ari 8:9

Alang nanumang bage makalulan king Kaban nung e mu ding aduang tinabas a batung linulan nang Moises karin king Horeb. Deting tinabas a batu ila ding kasusulatan na ning kasunduan a gewa ning Ginu karing Israelita kaybat dang meko king bansang Ehipto.

Ding Dalit 78:36

Oneng ing amanung sinabi ra pawang kalaraman; pamagkunwari ing atyu karela.

Exodo 24:6

Kinua nang Moises ing kapitna king daya, at binili na karing mangaragul a datukanan. Sinabug na king altar ing mitagan.

Isaias 52:15

Oneng ngeni mangapamulala la ding dakal a bansa, at e la makapagsalita ding ari king pangapamulala ra. Akit da at aintindian itang bage a ngeni ra pa dimdam.

Jeremias 31:32

E ne kalupa nitang matuang kasunduan a gewa kung kayabe ding karelang makatua inyang linigtas ku la karing gamat ku at leko king Ehipto. E re tiparan ing kasunduan agyang meging anti kung asawang lalaki karela.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Levitico 8:30

Kinangwa yang ditak king larung paglania i Moises ampon ditak ketang daya a atyu king altar, at pisikan ne kaniti i Aaron ampon ding anak nang lalaki. Pisikan na naman itang susulud dang imalan. King makanyan a paralan na la telaga at pati na ing susulud dang imalan.

Hageo 2:5

Inyang meko kayu Ehipto, pengaku ku king manatili kung mamantabe kekayu. Angga ngeni kayabe yu ku. Inya e kayu sukat mitatakutan.

Zacarias 9:11

Ing Ginu sasabian na, Uli ning kasunduan ta a mitatakan king daya ding ain-sakripisyu, ding kekang memalen gawan ku lang malaya; ilako ku la king alang danum a talaga ning pangayugse ra karing aliwang bansa.

Mateo 26:28

uling iti ya ing daya a maging tanda ning kasunduan ning Dios, ing daya kung mibubu ban mipatawaran la kasalanan ding dakal a tau.

Marcos 14:24

Nganang Jesus karela, Iti ya ing kanakung daya, ing daya ning kasunduan, ing dayang mibubu para karing dakal a tau.

Lucas 22:20

Makanyan munaman, kaybat na ning apunan, binie ne ing kopa at sinabi na, Ing kopang iti ya ing bayung kasunduan a mitatalakad king kapamilatan na ning daya kung dumagus para kekayu].

1 Corinto 11:25

Antimu rin, kaybat dang mengan, kinua ne ing kopa at ngana, Iting kopa ya ing bayung kasunduan ning Dios a patibayan na ning kanakung daya. Balang minum kayu kaniti, daptan yu bilang kapigaganakan kanaku.

Efeso 1:7

Inatbus na katamung Cristo king kapamilatan na ning kamatayan na. Uli na niti, mipatawaran ing kekatamung kasalanan! Kasagid na ning lugud a binie ning Dios kekatamu!

Deuteronomio 5:2

Karin king Bunduk ning Horeb ginawa yang kasunduan kekatamu ing Ginung kekatamung Dios; ... ginawa yang kasunduan kekatamu ing Ginung kekatamung Dios.(5:2)

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

Hebreo 13:20

Ing Dios a panibatan na ning sablang kapayapan ya ing pepasubling mebie kang Jesus a Ginu tamu, ing Marangal a Pastul da ring tupa; uli na ning daya na a meging katibayan na ning alang anggang kasunduan.

Josue 24:25

Inya ginawa yang kasunduan i Josue para karing memalen kanitang aldong ita at binie na la karela karin king Sikem ding batas at tuntunan a sukat dang tukian.

1 Pedro 1:2

Ikayu ding pinili na ning Dios Ibpa ketang parasan na at pepabanalan na kapamilatan na ning Espiritu na ban mamintu kang Jesu-Cristo, layun luminis king upaya na ning kamatayan na. Ing grasya at kapayapan manatili sanang labis-labis kekayu.