Exodo 24:7 - Ing Mayap a Balita Biblia

⁷ Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Exodo 24:7 Iomraidhean Croise

1 Ari 8:9

Alang nanumang bage makalulan king Kaban nung e mu ding aduang tinabas a batung linulan nang Moises karin king Horeb. Deting tinabas a batu ila ding kasusulatan na ning kasunduan a gewa ning Ginu karing Israelita kaybat dang meko king bansang Ehipto.

2 Cronica 15:14

King masikan a bosis at tiup ding trumpeta sinumpa la king lagyu ning Ginu king tuparan de ing kasunduan.

Ding Dalit 50:5

Ngana, Tipunan yu la ding taung tapat, ding memalen a mekikasundu kaku kayabe ning karelang ain-sakripisyu.

Ding Dalit 78:36

Oneng ing amanung sinabi ra pawang kalaraman; pamagkunwari ing atyu karela.

Exodo 19:8

Kaybat na nita, ngarang agnan-agnan mekibat ding tau, Tuparan mi ngan ing inutus na ning Ginu. Migbalik ya i Moises king bunduk at binie na king Ginu ing pakibat da ring Israelita.

Jeremias 34:13

ing Dios ning Israel, sinabi na kanaku king sabian ku karing memalen ing anti kaniti: Ginawa kung kasunduan karing makatua yu inyang linigtas ku la king Ehipto at leko king panga-ipus. Sinabi ku karela king

Jeremias 42:6

Munie tula o ali kekami ing iyutus na, mamintu kami king Ginung kekatamung Dios nung kenu kami pasaup keka ban manalangin. Maging mayap ing sabla kekami, nung pamintuan mi ya.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Malakias 2:10

E wari metung ya mu ing tatang tamu? E wari metung ya ing Dios a linalang kekatamo? Nung makanyan, obat e tamu tutupad karing pangakung binie tamu king metung at metung? Obat lalabagan ta ya ing kasunduan a gewa ning Dios karing makatua tamu?

Ding Dapat 13:15

Kaybat na ning pamamasang meyakua king Kautusan at karing kasulatan da ring propeta pepasabi na karela ning talapangasiwa king sinagoga ing anti kanini: Kapatad, ikatula ming lubus nung bisa kayung magsalitang ditak ban munie diwa karing taung pesitagun.

Colosas 4:16

Kaybat yeng abasa iting sulat, e ye kakalinguan pabasa munaman king iglesia karin Laodicea. Antimu rin, basan ye ing sulat a iparala da kekayu ding tau Laodicea.

1 Tesalonica 5:27

Aduan ku king lagyu na ning Ginu king basan ye sa iting sulat karing sablang kapatad.

Josue 24:24

Ngara kang Josue ding memalen, Suyuan mi ya ing Ginu, ing kekaming Dios. Pamintuan mi la ding utus na.