Exodo 24:6 - Ing Mayap a Balita Biblia

⁶ Kinua nang Moises ing kapitna king daya, at binili na karing mangaragul a datukanan. Sinabug na king altar ing mitagan.

Exodo 24:6 Iomraidhean Croise

2 Ari 17:15

E ra la pinsinan ding kautusan na, e la tinupad king kasunduan a gewa na karing karelang makatua, at migmaklak-maklakan la karing babalang binie na. Sinamba la karing alang kabaldugan a idolo, inya meging ala lang kabaldugan. Mekiapus la karing e mayap dang kaugalian ding bansang makapatulug karela agyang binawal na la ning Ginu.

Ding Dalit 99:6

I Moises at i Aaron pari na la, i Samuel naman menalangin ya; deti ngan king Ginu minaus la, at pekibatan na la.

Exodo 12:22

Kuma kayu namang sangang hisopo at isoso ye king daya a makadatuk king palanggana, at kaskasanan ye ing babo at ding mingatbang amba da ring kekayung pasbul bale. Ala kayung palualan ninuman king bale angga itang abak.

Exodo 12:7

Kailangan lang kumang ditak king daya at ikaskas da karing amba at babo da ring pasbul da ring bale nung nu la mapangan deting animal.

Exodo 24:8

Kinua na kanitang Moises ing daya karing datukanan, at pisikanan na la kaniti ding tau. Ngana karela, Iti ya ing daya a tanda ning kasunduan a tinatag na ning Ginu at ikayu kanitang binie na la deting sablang kautusan.

Exodo 29:16

Paten me ing lalaking tupa; saluran mu ing daya at kaybat ipisik mu karing apat nang suluk ning altar.

Exodo 29:20

Paten me ing lalaking tupa at kuma kang ditak king daya na at ikaskas mu karing pingul nang balugbug a wanan Aaron at ding anak na, at karing tindaragul da ring gamat dang wanan ampon karing tindaragul da ring bitis dang wanan. Isabug mu ing mitagan a daya karing apat nang suluk ning altar.

Jeremias 31:32

E ne kalupa nitang matuang kasunduan a gewa kung kayabe ding karelang makatua inyang linigtas ku la karing gamat ku at leko king Ehipto. E re tiparan ing kasunduan agyang meging anti kung asawang lalaki karela.

Levitico 1:11

Paten ne iti king dane nang norti ning altar at isabug da ring pari ing daya ning animal king paligid na ning altar.

Levitico 1:5

Karin ne paten ing baka at ding pari a anak nang Aaron ilang miyain king daya kanaku, ing Ginu, at kaybat isabug da iti king paligid na ning altar, lele nang pasbul ning Tolda.

Levitico 3:2

Itumpak ne ning miyayain ing gamat na king buntuk na ning animal at saka ne paten king tulid nang pasbul ning Toldang tuknangan ku, ing Ginu. Ding pari a anak nang Aaron ilang misabug king daya king paligid na ning altar.

Levitico 3:8

Kaybat na nita, itumpak ne ing gamat na king buntuk ning tupa at paten ne karin king arap ning Tolda. Isabug da ring pari ing daya ning tupa king paligid na ning altar,

Levitico 4:6

Itiltil ne ing taliri na king daya at ipisik na iting makatapitung besis king arap ning tabing.

1 Corinto 11:25

Antimu rin, kaybat dang mengan, kinua ne ing kopa at ngana, Iting kopa ya ing bayung kasunduan ning Dios a patibayan na ning kanakung daya. Balang minum kayu kaniti, daptan yu bilang kapigaganakan kanaku.

Colosas 1:20

King kapamilatan na ning Anak, tinggap ne ning Dios king sarili na ing meto sikluban. Tinatag na ning Dios ing kapayapan king kapamilatan na ning Anak nang mipaku king krus. Uli na niti, ikua nang abalik ning Dios king sarili na ing sablang bage, maging ing keti king yatu at maging ing karin king banua.

Hebreo 12:24

Miras kayu kang Jesus a mitatag king bayung kasunduan, at miras kayu king dayang mipisik a mangakung mas mayap a bage maygit ketang daya nang Abel.

Hebreo 8:9

E ne maging kalupa na nitang kasunduan a tinatag ku karing karelang makatua, kanitang tinaid ku lang leko ibat Ehipto. E la menatiling tapat king kasunduan a tinatag kung kayabe ra, inya pepaburen ku la, ngana ning Ginu.

Hebreo 9:18

Agyang itang minunang kasunduan e ya mirinan katibayan nune mu king kapamilatan na ning daya.

Hebreo 9:19

Muna, sinabi ne pa mung Moises ing balang metung karing tuntunan a mababanggit king Kautusan. Kaybat, kinua na ing daya da ring biserung baka at kambing a semutanan danum. Sinoso ne kaniti ing malutung lana at ing sanga na ning hisopo at pisikan ne king daya ing libru ning Kautusan ampon ding sablang tau.

Hebreo 9:21

Makanyan nia namang pisikan Moises ing Tolda at ing sablang gagamitan king pamanyamba.

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.

1 Pedro 1:2

Ikayu ding pinili na ning Dios Ibpa ketang parasan na at pepabanalan na kapamilatan na ning Espiritu na ban mamintu kang Jesu-Cristo, layun luminis king upaya na ning kamatayan na. Ing grasya at kapayapan manatili sanang labis-labis kekayu.