Exodo 24:4 - Ing Mayap a Balita Biblia

⁴ Binili na ngan Moises king metung a kasulatan ing sablang inutus na ning Ginu. Itang kabukasan abak a maranun mitalakad yang metung a altar king lele ning bunduk, at saka ya mitalakad labing aduang asias a batu; mangaintulid ya ing balang metung kareti king metung karing labing adua nang tribu ning Israel.

Exodo 24:4 Iomraidhean Croise

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 28:18

Maranun yang mibangun i Jacob. Kinua ne ing batung inulunan na; gewa neng batung palatandanan at saka ne tigtugan laru.

Genesis 28:22

Iting batung telakad kung anting palatandanan ya ing maging bale na ning Dios at ibie ku king Dios ing kapulung dake king heganaganang babie na kanaku.

Genesis 31:45

Kanita mibili yang batu i Jacob bilang palatandanan.

1 Ari 11:30

Likas neng Ahiya ing balabal na at ginabak ne at gewang labing aduang pirasu.

1 Ari 18:31

Kinangwa yang labing aduang batu agpang king bilang da ring tribung anak nang lalaking Jacob, ing lalaking pemalagyuan nang Israel ning Ginu.

Ezra 6:17

Para king pangatalaga na ning Templo ning Dios miyain lang dinalan a lalaking baka, aduang dalan a lalaking tupa, apat a ralan a biserung tupa, at labing aduang lalaking kambing para ain-a-kapatawaran-king-kasalanan da ring labing aduang tribu na ning Israel.

Nehemias 10:1

Ing minunang migpirma ya i gobernador Nehemias a anak nang Hacalia, at kaybat i Zedekia.

Exodo 17:14

Ngana kanita ning Ginu kang Moises, Isulat mu ing tagumpeng yan ban e makalinguan, at sabian mu kang Josue king lubus ku lang gisanan a lahi ding Amalekita.

Exodo 17:15

Mitalakad yang altar i Moises at inaus neng Ing Ginu ya ing kanakung Bandera.

Exodo 21:1

Ibie mu la karing Israelita deting tuntunan:

Exodo 24:7

Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Exodo 28:21

Ing balang metung kareting mesabing batu sukat yang dukitanan metung karing lagyu da ring anak nang Jacob bilang kapigaganakan karing tribu na ning Israel.

Exodo 34:27

Ngana pa ning Ginu kang Moises, Isulat mu la deting amanu king metung a kasulatan, uling kareting amanu ya makabasi ing kasunduan a tatatag ku king kayabe mu at ning Israel.

Isaias 19:19

Potang datang na ing panaun a ita, mika altar para king Ginu libutad na ning bansang Ehipto at mika batung asias a mitalaga para king Ginu king angganan na ning Ehipto.

Levitico 24:5

Kuma kayung apat at kapitnang litrung mapinung arina at kaniti yu la gawan ding labing aduang tinape.

Ding Bilang 17:2

Magsalita ka karing memalen na ning Israel at sabian mu karing manimuna ning balang tribu king munie lang metung a tukud keka. Isulat ne ing lagyu na ning metung at metung king tukud a ibie na.

Lucas 22:30

Mangan kayu at minum kayabe ku king Kayarian ku at lukluk kayu karing tronu ba yu lang ukuman ding labing aduang tribu na ning Israel.

Galacia 2:9

Inya i Santiago, i Pedro, at i Juan a kikilalanan dang peka pamuntuk, kilala da king ing Dios ya ing minie kanaku kaniting makapasubaling misyun; uli na niti, gelamanuan da kami ikeng aduang Bernabe, antimong tanda na ning kaparehu da keng talapagobra. Pikasunduan mi ngan king magobra ke karing paganu, at ila naman karing Judio.

Deuteronomio 31:9

Sinulat neng Moises iting Kautusan na ning Dios at binie ne karing Levitang pari, ding talapagdala king Kaban ning Kasunduan, at karing manimuna na ning Israel.

Josue 4:20

Karin na la telakad Josue ding labing aduang batung meyakua king Jordan.

Josue 4:5

at ngana karela, Lumakad kayu arapan na ning Kaban ning Kasunduan ning Ginung kekayung Dios angga king libutad ning Ilug ning Jordan. Kuma yang metung a batu ing balang metung kekayu at pusanan ne, metung para karing balang tribu ning Israel.

Kapahayagan 21:14

Atin yang labing aduang batung pundasyun ing pader na ning siudad, at makasulat la kareti ding lagyu da ring labing aduang apostol na ning Kordero.