Exodo 24:3 - Ing Mayap a Balita Biblia

³ Inyang mibalik ya i Moises karing tau sinabi na ngan karela ing sablang yuyutus na't patupad ning Ginu. Ngara ngan mekibat king metung mung siwala, Tuparan mi la ngan ding sablang kautusan a binie na ning Ginu.

Exodo 24:3 Iomraidhean Croise

2 Cronica 15:14

King masikan a bosis at tiup ding trumpeta sinumpa la king lagyu ning Ginu king tuparan de ing kasunduan.

2 Cronica 15:15

Masaya la ngan ding memalen na ning Juda uling gewa re iting kasunduan king mabilug dang pusu. Matutula la king pamanyamba ra king Ginu, at tinggap na no naman ning Ginu at dininan kapayapan king bansa da.

Ding Dalit 50:5

Ngana, Tipunan yu la ding taung tapat, ding memalen a mekikasundu kaku kayabe ning karelang ain-sakripisyu.

Exodo 19:8

Kaybat na nita, ngarang agnan-agnan mekibat ding tau, Tuparan mi ngan ing inutus na ning Ginu. Migbalik ya i Moises king bunduk at binie na king Ginu ing pakibat da ring Israelita.

Exodo 24:2

Ika mung bukud ing malyaring lumapit kanaku. E la sukat mumukiat king bunduk ding tau.

Exodo 24:7

Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Jeremias 11:4

Iti ya ing kasunduan a pikayari mi ding makatua yu kanitang liwal ku la karin Ehipto, ing bansang mengaring milalablab a ornu para karela. Sinabi ku karela king pamintuan da ku at tuparan ing sablang inutus ku. Sinabi ku karela king nung pamintuan da ku ila ding maging taung pinili ku at aku naman ing maging Dios da.

Jeremias 34:13

ing Dios ning Israel, sinabi na kanaku king sabian ku karing memalen ing anti kaniti: Ginawa kung kasunduan karing makatua yu inyang linigtas ku la king Ehipto at leko king panga-ipus. Sinabi ku karela king

Hageo 2:5

Inyang meko kayu Ehipto, pengaku ku king manatili kung mamantabe kekayu. Angga ngeni kayabe yu ku. Inya e kayu sukat mitatakutan.

Malakias 2:10

E wari metung ya mu ing tatang tamu? E wari metung ya ing Dios a linalang kekatamo? Nung makanyan, obat e tamu tutupad karing pangakung binie tamu king metung at metung? Obat lalabagan ta ya ing kasunduan a gewa ning Dios karing makatua tamu?

Deuteronomio 11:1

Inya sukat yeng luguran ing Ginung kekayung Dios at parating pamintuan ding sablang utus na.

Deuteronomio 4:1

Ngeni, O memalen ning Israel, nganang Moises, pamintuan yu la ngan ding kautusan at tuntunan a tuturu ku kekayu ban e kayu mate at kekayu yang abandi ing gabun a babie na kekayu ning Ginu, ing Dios da ring makatua yu.

Deuteronomio 4:45

ding kautusan at tuntunan ampon kayatulan a sinabi na karela, inyang milual na la Ehipto.

Deuteronomio 4:5

Tiru ku la ngan kekayu ding sablang kautusan at tuntunan nung makananu na lang sinabi kanaku ning Ginung kanakung Dios. Tuparan yu la sana king gabun a luban yu ban bandian.

Deuteronomio 5:1

Inaus na la ngan at tinipun Moises ding sablang memalen ning Israel at ngana karela, Memalen ning Israel, pakiramdaman yu la ding kautusan at tuntunan a sabian ku ngeni kekayu. Paki-intindian yu la at tuparan.

Deuteronomio 5:31

Oneng ika malakuan ka keti at sabian ku la ngan keka ding kautusan ku at ding tuntunan. Ituru mu la deti karela ban maging tuntunan da la king gabun a ibie ku karela a maging bandi ra.

Deuteronomio 6:1

Ila deti ring sablang kautusan at tuntunan a binie na kanaku ning Ginung kekayung Dios ban ituru kekayu at tuparan king gabun a sakupan yu.

Josue 24:21

Ngarang mekibat ding tau kang Josue, E makanyan. Ing Ginu ya ing suyuan mi.

Josue 24:22

Nganang Josue karela, Ing sarili yu ya na kabud ing saksi king pinili yeng suyuan ing Ginu. Wa, ikami saksi kami, ngarang sinabi.

Josue 24:24

Ngara kang Josue ding memalen, Suyuan mi ya ing Ginu, ing kekaming Dios. Pamintuan mi la ding utus na.