Exodo 24:16 - Ing Mayap a Balita Biblia

¹⁶ Migdatun king babo ning bunduk ing makasilo nang aslag ning panga-atyu ning Ginu. Anam yang aldo makatakap king biga. King kapitung aldo, ibat king makapal a biga, inaus ne ning Ginu i Moises.

Exodo 24:16 Iomraidhean Croise

Ding Dalit 99:7

Migsalita ya karela busal ning biga, at tiparan da lang tuntunan at kautusan a binie ning Ginu karela.

Exodo 16:10

Kabang magsalita ya i Aaron karing sablang memalen ning Israel melikid la banda king disyerto at kabud-abud ing makasilo nang aslag ning panga-atyu ning Ginu meyakit libutad na ning biga.

Exodo 19:11

at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 19:9

Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 20:10

oneng ing kapitung aldo metung yang aldo ning pamagpaynawa a makatalaga para kanaku. Ala metung man a malyaring magobra king aldong iti; e mu ikayu, nune pati na ding anak yu, ding ipus yu, ding sese yung animal o kaya ding dayuan a makipamalen kekayu.

Exodo 24:17

Ikit da naman ding Israelita ing makasilo nang aslag ning panga-atyu ning Ginu a balamu aping e matatda babo ning bunduk.

Isaias 4:5

At kanita king babo ning Bunduk ning Zion at karing sablang makatipun karin, palto yang biga ing Ginu neng aldo masala at asuk at aping masala neng bengi. Ing ligaya na ning Ginu ya ing takap at mingat king mabilug a siudad.

Ezekiel 1:28

at kasing dakal ne kule ning metung a pinanari. Iti ya ing sala a makasilo a pakilala king panga-atyu na ning Ginu. Inyang ikit ku iti, diku ke ing lupa ku angga king gabun at dimdam ke ing metung a siwala.

Levitico 9:23

Kaybat na nita, ya ampon i Moises linub la king Toldang tuknangan ning Ginu. Inyang linual na la, binendisyunan da la ring tau, at ikit da ring sablang memalen ing makasilo nang aslag ning Ginu.

Levitico 9:6

Ngana karelang Moises, Inutus na ning Ginu ing daptan yu ngan iti ban ing makasilo nang aslag ning Ginu mihayag kekayu.

Ding Bilang 14:10

E la meniwala ding memalen na ning Israel at belan da lang pamasibasan batu ri Josue at Caleb angga king mate la. Kanita ing masalang aslag na ning panga-atyu ning Ginu sinlag babo na ning Toldang tuknangan ning Ginu.

Ding Bilang 16:42

Inyang ikua ra nang mitipun ding memalen laban kang Moises at kang Aaron, melikid la king Toldang tuknangan ning Ginu at ikit de ing biga at tatakpan ne iti, at ikit da ing makasilo nang aslag ning panga-atyu na ning Ginu.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Kapahayagan 1:10

Aldo ning Ginu kanita inyang liban na ku ning Espiritu at kagulutan ku dimdam ke ing masikan a siwalang balamu trumpeta.