Exodo 24:13 - Ing Mayap a Balita Biblia

¹³ Migsadia ya i Moises at i Josue a kasaup na; minukiat ya i Moises king bunduk.

Exodo 24:13 Iomraidhean Croise

1 Cronica 7:27

At anak neng Elisama i Nun, at anak neng Nun i Josue.

Exodo 18:5

Dinatang ya i Jetro, kayabe ne ing asawa nang Moises ampon ding adua nang anak, king disyerto nung nu ya makakampu i Moises, king lele na ning banal a bunduk.

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Exodo 32:17

Inyang dimdam nang Josue ing inge da ring taung kukulisak, sinabi na kang Moises, Balamu ating labanan king kampu.

Exodo 33:11

Lupa't lupa yang makipagsalita ing Ginu kang Moises, antimo nung makananu yang makipagsalita ing metung a tau king kakaluguran na. Kaybat, magbalik ya king kampu i Moises, oneng i Josue, ing kayanakan a lalaking talasuyu na a anak nang Nun, pailakuan ya kilub ning Tolda.

Exodo 4:27

Ngana ning Ginu kang Aaron, Munta ka karin king disyerto at saganan me i Moises. Memintu ya i Aaron at minta ya king bunduk ning Dios. Disnan ne i Moises karin at saka ne inuma.

Ding Bilang 11:28

Kanita nganang Josue, ing anak nang Nun a kayaduangan nang Moises at metung karing pinili nang lalaki, Makamal a Moises, iyutus yu karela ing tuknang lang magsalita.

Josue 1:1

Kamate nang Moises, ing talasuyu ning Ginu, migsalita ya ing Ginu kang Josue. I Josue anak neng Nun at ya ing kasaup nang Moises.