Exodo 24:12 - Ing Mayap a Balita Biblia

¹² Ngana ning Ginu kang Moises, Me keni, manik ka at panayan mu ku. Ibie ku la keka ding aduang tinabas a batu nung nu la ngan mayayakit ding sablang kautusan a sinulat ku para mituru la ding tau.

Exodo 24:12 Iomraidhean Croise

1 Ari 19:11

Ngana ning Ginu, Elias, lumual ka ken at talakad king arapan ku king taluktuk ning bunduk. Kaybat na nita, linabas ya ing Ginu at tiniup ya ing maragul at masikan a angin, at inaspak na la ding bunduk at piglasilasi ding batu king arapan ning Ginu; oneng alayu ing Ginu king angin. Kalabas na ning angin, minayun; oneng alayu ing Ginu king ayun.

Ezra 7:10

Telaga nang Ezra ing mabilug nang pangatau king pamagaral king Kautusan ning Ginu, king tuparan ya iti at ituru karing Israelita.

Nehemias 9:13

Ibat banua king Bunduk ning Sinai karin ka minta; karing kekang memalen migsalita ka, at ding mayap mung tuntunan at kautusan karela binie mu la.

Nehemias 9:14

Pepabalu mu karela king ing Aldo ning Sabbath sukat deng pangilinan, at king kapamilatan ning talasuyu mung i Moises ding kekang tuntunan at kautusan karela binie mu la.

Ding Dalit 19:12

Ninu mo ing makibalu king sabla nang pamagkulang ning tau? Inya karing kamalian a e ku balu patawaran mu ku.

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Exodo 24:15

Minukiat ne kanita i Moises king bunduk at tikpan ne ning biga ing bunduk.

Exodo 24:18

Minukiat ya i Moises king bunduk a mibalutan king biga. Menatili ya karin kilub ding apat apulung aldo at apat apulung bengi.

Exodo 24:2

Ika mung bukud ing malyaring lumapit kanaku. E la sukat mumukiat king bunduk ding tau.

Exodo 31:18

Inyang meyari neng mekipagsalita ing Dios kang Moises king Bunduk ning Sinai, binie na la kang Moises ding aduang tinabas a batu nung nu na la sinulat ning Dios ding kautusan.

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Exodo 34:1

Ngana ning Ginu kang Moises, Tumabas kang aduang batu a kalupa ra detang minuna at isulat ku la kareti detang amanung misulat karetang minunang tinabas a bilbal mu.

Jeremias 31:33

Anti ya kaniti ing bayung kasunduan a gawan ku karing memalen ning Israel: Ibili ke ing kautusan ku king mabilug dang pangatau at isulat ke iti karing karelang pusu. Aku ing maging karelang Dios at ila naman ding maging memalen ku.

Mateo 5:19

Uli na niti, ninuman ing taung labag agyang king malating dili kareting kautusan at ituru na ing makanyan karing aliwa, mibilang yang mababang dili king Kayarian ning Banua. Ing ninumang tutupad kareti at ituru na ing makanyan karing aliwa, ita ing makilalang pekamarangal king Kayarian ning Banua.

2 Corinto 3:3

Ikayu ing malino nang sulat Cristo, ing sulat a peparala na king kapamilatan mi. Iti makasulat e king tinta nune king Espiritu ning Dios a mabie, at e karing metabas a batu nune karing pusu da ring tau.

2 Corinto 3:7

Nung king kapamilatan na ning Kautusan a makasulat karing tinabas a batu a magdalang kamatayan meyakit ya ing ligaya na ning Dios angga na king e re alawe ding Israelita ing lupa nang Moises, agyang lilipas ing aslag na niting ligaya,

Deuteronomio 4:14

Kanitang oras a ita, inutus na kanaku ning Ginu ing ituru ku la kekayu ding kautusan at tuntunan a kekayung tukian king gabun a malapit yu nang luban ban bandian.

Deuteronomio 5:22

Ila deti ring kautusan a sinabi na kekayu ning Ginu inyang mitipun kayu karin king bunduk kabang migsalita ya king masikan a siwala libutad na ning api, ning lulam at makapal a dalumdum. Ala neng digdag at sinulat na la karing aduang tinabas a batu at kaybat binie na la kanaku.

Deuteronomio 5:31

Oneng ika malakuan ka keti at sabian ku la ngan keka ding kautusan ku at ding tuntunan. Ituru mu la deti karela ban maging tuntunan da la king gabun a ibie ku karela a maging bandi ra.

Hebreo 9:4

Atyu karin ing altar a pidurulukan dang insenso at ing Kaban ning Kasunduan a parehung binalut king gintu. Kilub na ning Kaban atyu ing metung a gintung kuran a ating laman a manna, at ing tukud nang Aaron, ing tukud a mika bulung, at ding aduang tinabas a batu nung nu la makasulat ding kautusan.