Exodo 24:10 - Ing Mayap a Balita Biblia

¹⁰ Ikit de karin ing Dios ning Israel. Anti ya ing suelong megawa king safiro a kasing asul na ning banua ing tutukluan na.

Exodo 24:10 Iomraidhean Croise

Genesis 32:30

Inya i Jacob inaus neng Peniel ing lugal a ita, ngana wari, Ing lupa na ning Dios, uling ikit ne lupa ing Dios, oneng e ya ninanu balang.

Genesis 32:31

Makaslag ne ing aldo inyang palako ne Peniel; tikul-tikul yang meko pauli na ning papaluan na.

1 Ari 22:19

Tiglus nang Micaia ing pamagsalita na. Ngana, Pakiramdaman mu sana ing sasabian na ning Ginu! Ikit ke ing Ginu, makalukluk ya king tronu na karin banua a abe ding sablang anghel na at makatalakad siping na.

2 Cronica 6:17

Inya, O Ginung Dios ning Israel, paintulut mung mipatibayan ing amanung kekang sinabi king talasuyu mung i David a tata ku.

Exodo 24:11

Oneng e na la ninanan balang ning Dios deting lalaking peka manimunang makatua na ning Israel. Kaybat deng ikit ing Dios, mengan la at minum karin.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Exodo 33:20

E ke malyaring ipakit keka ing lupa ku uling mate ya ing ninuman kabud akit ne ing lupa ku.

Exodo 33:23

Kalabas ku ilako ke ing gamat ku at akit me ing gulut ku, oneng e me akit ing lupa ku.

Ing Malagung Diling Kanta 5:14

Ding takde na anti la king pulserang gintu a ating batung mangamal. Ing katawan na anti ya king garing a malinatnat at karing batung safiro belutanan.

Ing Malagung Diling Kanta 6:10

Ninu iting daratang a balamu ing aldo a saslag neng abak? Malagu yang anti ing bulan ampon ing aldo maslag, at matindag yang anti ing katasan.

Ding Tagulele 4:7

Sadia malinis la ding kekatamung prinsipi, anti la king bulak kadalise, matipunu la at masikan; masanting la pamikakatawan.

Ezekiel 1:1

King kalimang aldo na ning kapat a bulan ning katlung pulung banua, aku, i Ezekiel a pari, ing anak nang Buzi, at ding Judiong miyugse, manuknangan ku king lele ning Ilug ning Kebar karin Babilonia. Mibuklat ya ing banua at ikit ku la ding vision na ning Dios. (

Ezekiel 10:1

Miglalawe ku at ikit ku king kalaganapan king kabuntukan da ring kerubin ing balamu metung a tronung megawa king batung safiro.

Daniel 10:17

Mengari kung metung a ipus a makatalakad arapan ning panginuan na. Makananu kung makapakipagsalita keka? Ala nang sikanan ni pangisnawa mang mitagan kanaku.

Ding Bilang 12:8

Makipagsalita ku kang Moises arap-arapan, tapatan, at e king malabug a pamakipagsalita. Ikit na ing itsura ku. Inya ala kayung matulid magsalitang laban king talasuyu kung i Moises.

Mateo 17:2

King akakit da ring atlung alagad minaliwa ya itsura i Jesus; maslag yang anti ing aldo ing lupa na at meging makasilo ya king puti ing imalan na.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 14:9

Mekibat ya i Jesus, Felipe, kalambat yu na kung kayabe e mu ku pa balu? Ing menakit kanaku, ikit na ne ing Ibpa. Baket sinabi mung Ipakit me kekami ing Ibpa?

Juan 6:46

Iti e mangabaldugan king atin nang menakit king Ibpa; ita mung ibat king Dios ya ing bukud menakit na king Ibpa.

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.

1 Juan 4:12

Ala pang bitasang menakit king Dios; nung mikakalugud tamu, atyu kekatamu ing Dios at ing lugud na maging ganap kekatamu.

Kapahayagan 1:16

Atin yang tatalnan a pitung batuin king wanan nang gamat, at lulual ya king asbuk na ing espadang matalas at mingatba taram. At makasilo ya ing lupa na, anti ya king aslag ning aldo neng kaugtuan.

Kapahayagan 21:11

Maslag ya iti uli na ning kaligayan na ning Dios; kikislap yang anting maulagang batu, anting haspe at malino yang anti ing kristal.

Kapahayagan 4:3

Maslag ya lupa a kawangis ne ning batung haspe at rubi. Ating metung a pinanaring kule esmeralda king paligid na ning tronu.