Exodo 24:1 - Ing Mayap a Balita Biblia

¹ Ngana ning Ginu kang Moises, Panikan mu ku king bunduk; ituki mu la ri Aaron, Nadab, Abihu, at ding pitung pulung manimuna na ning Israel. Kabang makarayu kayu pang bagya, duku kayu at samba.

Exodo 24:1 Iomraidhean Croise

1 Cronica 6:3

Ding anak nang Amram ila di Aaron at Moises. I Miriam ya ing kapatad dang babai. Ding anak nang lalaking Aaron ila di Nadab, Abihu, Eleazar, at i Itamar.

Exodo 1:5

Pitu lang pulu kabilangan ding heganaganang lahi nang Jacob. Atyu ne kanita i Jose karin Ehipto.

Exodo 19:20

Tinipa ya ing Ginu babo na ning Bunduk ning Sinai, at inaus ne i Moises ban mukiat king taluktuk na ning bunduk. Minukiat ya i Moises

Exodo 19:24

Nganang mekibat ning Ginu, Kuldas na ka at dakitan me i Aaron at ituki keti. Oneng e la sukat lalagpus ding pari at ding tau king angganan ban lumapit la kanaku, nung ali parusan ku la.

Exodo 19:9

Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 20:21

Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Exodo 24:15

Minukiat ne kanita i Moises king bunduk at tikpan ne ning biga ing bunduk.

Exodo 24:2

Ika mung bukud ing malyaring lumapit kanaku. E la sukat mumukiat king bunduk ding tau.

Exodo 24:9

Kaybat na nita, minta ya i Moises king bunduk; kayabe na la di Aaron, Nadab, Abihu, at ding pitung pulung manimunang makatua na ning Israel.

Exodo 28:1

Payaus me ing kapatad mung i Aaron at ding anak nang lalaki, i Nadab, Abihu, i Eleazar, at i Itamar. Ikalilua mu la karing memalen na ning Israel ban sumuyu la kanaku bilang pari.

Exodo 3:5

Kanita ngana ning Dios, E ka lalapit. Ilukas mu la ding sandalyas mu uling sagradu ing gabun a tutukluan mu.

Exodo 34:2

Magsadia ka bukas abak at mukiat ka king Bunduk ning Sinai ban makikit kanaku karin king taluktuk na.

Exodo 6:23

Mekiasawa ya i Aaron kang Eliseba a kapatad nang Nason at anak nang Aminadab. Ayanak da la ri Nadab, Abihu, Eleazar, at i Itamar.

Ezekiel 8:11

Pitu lang pulu ding makatuang manimuna na ning Israel a atyu karin; kayabe ya kareti i Jaazania a anak nang Safan. Tatalan yang pidurulukan insenso ing balang metung karela at paitas ing asuk a ibat king insenso.

Ding Bilang 11:16

Ngana ning Ginu kang Moises, Pamili mu kung pitung pulung lalaki karing makatua ning Israel a balu mung kikilalanan dang manimuna at gagalangan da ring tau. Kaybat ituki mu la karin king Toldang tuknangan ku.

Lucas 10:1

Kaybat na nita, memili yang pitung pulu't adua katau ing Ginu, at tinubud na lang tidua-tidua ban munta na lang mumuna keya king balang lugal a puntalan na.

Lucas 10:17

Migbalik lang masaya ding pitung pulu't adua. Ngarang sinabi, Ginu, memintu la kekami pati ding demonyu uli na ning lagyu mu!

Deuteronomio 1:15

Inya kinua ku la ding biasang manimuna da ring kekong tribu a makaintindi at ating agyu ban maging talapanimuna yu. Ila ding maging manimuna karing tia libu-libu, karing tia dinalan, karing tia limang pulu, at karing tia pulung tau. Mibili ku munamang pamuntuk king balang tribu.