Exodo 23:8 - Ing Mayap a Balita Biblia

⁸ E kayu tatanggap nanumang suhul, uling bubulagan na la ning suhul ding tau ban e ra akit ing katuliran, at iti ing makapahamak king kasu na ning taung alang kasalanan.

Exodo 23:8 Iomraidhean Croise

Ding Dalit 15:5

Itang e mamatubu king salaping paparam na, at e me asuhul laban karing taung alang kasalanan. Ing taung mibiebie makanyan matatag ya, at e maugun kapilan man.

Ding Dalit 26:10

karing taung midinatan a gamat king kasalanan, at tatanggap suhul karing gamat dang wanan.

Ding Kasebian 15:27

Ing sakim king e ustung pakinabang mamungang kaguluan king pamilya na, oneng itang e tatanggap suhul kumaba ing bie na.

Ding Kasebian 17:23

Ding hues a e tapat king pasalikut tatanggap lang suhul, inya ing hustisia e matutupad.

Ding Kasebian 17:8

Isipan na ning taung babie suhul king iti makasaup ban akua nang sablang buri na.

Ding Kasebian 19:4

Ing pibandian managkat yang bayung dakal a kakaluguran, oneng ing pakakalulu kakawanian de ring keyang abe.

Ecclesiastes 7:7

Ing taung biasa a mamirait kamangmangan ing balu na, at ing pamananggap suhul siran nang kekang dangal.

Isaias 1:13

Tuknang na kang magdala karing ain a alang kabaldugan. Masusumami ku king bau na ning insenso a yayain mu kanaku. E ku na la apibata pa ding pamagpiesta mu king Bayung Bulan, ding pamagselebra mu king Aldo ning Sabbath, ding kekang pamitipun relihioso, uling midungisan la ngan deti karing kekang kasalanan.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Isaias 33:15

Miligtas kayu nung sabian yu at daptan ing matulid. E yu gagamitan ing upaya yu king pamaglinlang karing pakakalulu at e kayu tatanggap suhul. E kayu makiabe karing magplanung makamate kalupang tau o darapat karing bage a e mayap.

Isaias 5:22

Makalunus na kayo! Ikayung matalik minum alak! Alang maniambut kekayu pangaras king pamaniangkap alak!

Isaias 5:23

Oneng uli na mu ning suhul, bubulus yu la ding mikasala, at e yu na la man sasaupan manakit hustisia ding alang kasalanan.

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Hosea 4:18

Kaybat dang mekainum dakal a alak, magpakasasa la karing babaing magtinda king katawan da; mas buri da ing alang marine kesa king dangalan.

Amos 5:12

Balu ku nung nu la anti karakal at kabayat ding kekong kasalanan. Lulupigan yu la ding mayap a tau, tatanggap kayung suhul at sasabatan yu la ding pakakalulu king pamagkamit dang hustisia karing husgadu.

Mikeas 7:3

Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.

Deuteronomio 10:17

Uling ing Ginung kekayung Dios ya ing Dios da ring sablang dios at Ginu de ring sablang ginu. Metung yang maragul at mayupayang Dios; makapangilabut ya; paraparehu ya lawe kenu man at e ya tatanggap suhul.

Deuteronomio 16:19

E ra sukat babaluktut ing hustisia; e la sukat mangabiran o tatanggap suhul, uling ing suhul bubulagan na la mata ding biasa ampon tapat, at ya ing pasari king e ustung kayatulan.

1 Samuel 12:3

Atyu ku keni. Nung atin kayung e buri kanaku, sabian yu arapan na ning Ginu at king aring pinili na. Atin kung penako baka o kaya asno kekayo? Atin kung pirait o penakawanan kekayo? Atin nang sinuhul kanaku ban kanita maging bulag ku king katuliran? Nung atin, mamayaran ku.

1 Samuel 8:3

Oneng e la memuli kang tata ra nune meging matako la king pikualtan; tinanggap lang suhul at babaluktut da ing katuliran.