Exodo 23:7 - Ing Mayap a Balita Biblia

⁷ E kayu gagawang maling paratang ni paburen miyatulan kamatayan ing taung alang kasalanan. Parusan ke ing ninumang darapat king anti kaniting e ustung dapat.

Exodo 23:7 Iomraidhean Croise

Genesis 18:23

Linapit ya i Abraham king Ginu at ngana, Tutu pin kayang gisanan yu lang paten ding tau at idame pati ding alang kasalanan karing ating kasalanan?

Job 22:23

Magpakumbaba kang magbalik king Dios, at pangilagan mu na ing e ustu a mararapat king kekang tuknangan.

Ding Dalit 119:29

Ing malili ku e mu sa paintulutan; king mitmung kayapan kaku ituru mong kekang kautusan.

Ding Dalit 94:21

Miyabe-abe lang lalaban karing taung makatuliran, at detang alang kasalanan atulan da lang kamatayan.

Exodo 20:13

E kayu makamate kalupang tau.

Exodo 20:16

E kayu sasaksi king e katutuan laban king kenu man.

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Exodo 34:7

Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Ding Kasebian 11:21

Siguradung miparusan la ding taung darapat e mayap, oneng ali la detang darapat mayap.

Ding Kasebian 17:15

Parehu nang pikakasaman ning Ginu ing parusan ya ing taung alang kasalanan o payalang sala ing dinapat kasalanan.

Isaias 33:15

Miligtas kayu nung sabian yu at daptan ing matulid. E yu gagamitan ing upaya yu king pamaglinlang karing pakakalulu at e kayu tatanggap suhul. E kayu makiabe karing magplanung makamate kalupang tau o darapat karing bage a e mayap.

Isaias 5:20

Makalunus na kayo, uling ausan yung e mayap ing mayap, at ing e mayap ya ing ausan yung mayap. Gagawan yeng masala ing madalumdum at gagawan yeng madalumdum ing masala. At gagawan yung mayumu pati ing mapait, at ing mayumu naman ya ing gagawan yung mapait!

Levitico 19:11

E kayu manako o mamirait o maglaram.

Levitico 19:16

E yu kakalat ing nanu pa mang e tutu tungkul king ninu pa man o magtestigu king e katutuan ban mipahamak ya. Aku ing Ginu.

Nahum 1:3

E nia kabud mimimua ing Ginu agyamang mayupaya ya, at e na paintulut ing e la magdusa ding mikasala. Lalto ing bagyu nung nu ya lalakad ing Ginu, ding biga alikabuk da la ring bitis na!

Lucas 3:14

Kitnan dia naman ding mapilan a sundalus. Ngara, Ikami naman, nanu ing kekeng sukat daptan? Pekibat na karela, E kayu kakuang salapi kaninu man king kapamilatan na ning puersa o king uli na ning pamamatakut. Managyu na kayu king sueldung tatanggapan yu.

Roma 1:18

Mipakilalang manibat banua ing milalablab nang mua ning Dios karing sablang pamikasala ra at ing alang kabanalan ding tau a babie sagabal king pangakilala na ning katutuan.

Efeso 4:25

Uli na niti, e na kayu maglaram! Kailangan yang magsalitang katutuan ing balang metung king kalupa nang talasalpantaya, uling itamu ngan dake na katamu ning metung mung katawan, ing Cristo.

Deuteronomio 25:1

Nung atin lang piamanuan ding aduang tau at dela ra iting pisasabian king husgadu, ding ukum ilang lumitis. Sukat deng pawalan sala itang alang kasalanan, oneng itang mikasala ya ing atulan da.

Deuteronomio 27:25

Isumpa ya ing ninumang paupang salapi ban makamate taung alang kasalanan. At ding sablang tau makibat la, Amen!

1 Tesalonica 5:22

Dumayu kayu king sablang anyu na ning marawak.