Exodo 23:6 - Ing Mayap a Balita Biblia

⁶ E ye pagkaitan ing ninumang pakakalulu king katuliran na arapan na ning ukuman.

Exodo 23:6 Iomraidhean Croise

2 Cronica 19:7

Tune pin sana ing tumakut kayu king Ginu; mingat kayu king daraptan yu, uling e na paintulut ning Ginung kekatamung Dios ing milisia ing hustisia o ing pamangabiran o ing pamananggap suhul.

Job 31:13

Pakiramdaman ku at dirinan kalutasan ing saingsing ding alipan kung kaku daratang.

Ding Kasebian 18:5

E ustu ing kampian ya ing mikasala, at pagkaitan yang hustisia ing taung alang pamikasala.

Ding Kasebian 22:22

E mu la sasamantalanan ding kalulu uli na mu ning agyu-agyu mu la o sasamantalanan ding taung alang akarapat arapan ning husgadu.

Ding Kasebian 31:5

Neng makainum la, akakalinguan da la ring kautusan at ing katuliran da ring taung atyu king kagipitan.

Ecclesiastes 5:8

E ka sa mabibigla nung akit mu king metung a probinsia ing pamanabusu karing kalulu at ing alang hustisia ampon katuliran. Uling ing matas a pamuntuk pagdipensa ne ning mas matas a katungkulan keting tau, at ating mas matas a katungkulan a magdipensa karela.

Isaias 5:23

Oneng uli na mu ning suhul, bubulus yu la ding mikasala, at e yu na la man sasaupan manakit hustisia ding alang kasalanan.

Jeremias 5:28

mataba la at labis-labis king pamangan. Alang patugut ing dapat dang e mayap. E ra babie karing ulila ing matulid ni papakit nanumang hustisia karing magigipit.

Jeremias 6:28

Mapaglaban la at masias a buntuk, kasing kasias na la ning tangsu at ning bakal. Baluktut la ngan a dapat; lakad-lakad lang mangalat kapanyiran.

Jeremias 7:6

Tuknangan yu na ing pamagsamantala karing dayuan, karing ulila, at karing babaing mebalu. Tuknangan yu na ing pamakamate karing alang kasalanan a memalen na ning bansang iti. Tuknang na kayung sasambang aliwang dios uling iti ya ing makasira kekayu.

Levitico 19:15

Maging tapat kayu at makatuliran neng babie kayung kayatulan karing piamanuan arapan na ning piukuman; e kayu mangabiran karing pakakalulu ni tatakut karing mabandi.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Deuteronomio 16:19

E ra sukat babaluktut ing hustisia; e la sukat mangabiran o tatanggap suhul, uling ing suhul bubulagan na la mata ding biasa ampon tapat, at ya ing pasari king e ustung kayatulan.

Deuteronomio 27:19

Isumpa ya ing ninumang magkaimut hustisia king dayuan, king ulila, at king babaing mebalu. At ding sablang tau makibat la, Amen!

1 Samuel 8:3

Oneng e la memuli kang tata ra nune meging matako la king pikualtan; tinanggap lang suhul at babaluktut da ing katuliran.