Exodo 23:21 - Ing Mayap a Balita Biblia

²¹ Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Exodo 23:21 Iomraidhean Croise

Ding Dalit 72:19

Purian yang alang angga ing mayupaya nang lagyu; mananu na sanang kumatmu ya ing yatu king ligaya na!

Ding Dalit 78:40

E mu makatapilan ing lebanan de karin king ilang, at king disyerto sigatan de kapanamdaman!

Ding Dalit 78:56

Makanyan man piniubukan de't lebanan ing Dios a Kakataskatasan; e la memintu karing utus na.

Ding Dalit 83:18

Pakilala mu karela king ikang bukud ing Ginu, ing Kakataskatasan a sasakup king mabilug a yatu.

Exodo 3:14

Ngana ning Dios kang Moises, Aku ing Aku. At ngana pa ning Dios, Sabian mu karela ini: Ing ausan dang i Aku tinubud na ku kekayu.

Exodo 32:34

Sulung magbalik na ka at panimunan mu na la ding taung papunta ketang lugal a sinabi ku keka. Tandanan mu, ing anghel ku ya ing mantabe kekayu, oneng king aldo a buri ku lang parusan, parusan ku la uli na ning depat dang kasalanan.

Exodo 6:3

Pepakit ku kang Abraham, kang Isaac, at kang Jacob bilang Dios a Mayupayang tutu, oneng e ke pepabalu karela king ing lagyu ku Ginu.

Isaias 42:8

Aku, ing Ginu, iti ya ing lagyu ku. Alang aliwang dios a malyaring makirake king kakung ligaya; e ku paintulut karing idolo ing makirake la king kakung kapurian.

Isaias 45:6

Iti kakung daptan ban ing balang tau ning mabilug a yatu akilala na king aku ing Ginu, at king ala nang aliwa pa subali kaku.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Isaias 9:5

Ding botas da ring sasagupang kawal, at ing unipormi rang mengasnang daya ing api yang gumisan karela.

Isaias 9:6

Uling mibait ya ing anak para kekatamu! Ing metung a anak a lalaki miyabie ya kekatamu! At ya ing maging pamuntuk tamu! Mayaus yang Makapagmulalang Tagapayu, Mayupayang Dios, Alang anggang Ibpa, Prinsipi ning Kapayapan.

Jeremias 23:6

Potang ya na ing ari, mipanatag la bili ding memalen na ning kabilugan a Juda at mibiebie la ding memalen na ning Israel king kapayapan. Mayaus yang Ing Ginu ya ing Talapagligtas tamu.

Jeremias 5:7

Nganang kinutang ning Ginu, Baket kailangan ku lang patawaran ding kasalanan da ring taung kakung pinili? Gilutan da ku at sinamba la karing dios a e naman tutu. Pepakan ku la anggang bisa la, oneng dinapat lang pamakipangalugud at linabas da ing karelang panaun karing babaing magtinda king katawan da.

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Ding Bilang 14:11

Ngana ning Ginu kang Moises, Kapilan la tuknang maninsultu kanaku deting tau? Angga kapilan la manatiling e maniwala kanaku agyang dinapat kung dakal a milagru para karela?

Ding Bilang 14:35

Aku, ing Ginu, sasabian ku king daptan ku iti karing sablang e mayap a memalen na ning Israel a misanmetung laban kanaku. Mate la ngan keti king ilang.

Mateo 1:23

Kumagli ya ing metung a dalagang birhen at ibait ne ing metung a anak a lalaki, at mayaus yang Immanuel (ngana wari, Ing Dios kayabe ta ya).

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Juan 10:30

Aku at ing Ibpa metung kami mu.

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 5:23

ban ding sabla gumalang la king Anak, antimo ing pamangalang da king Ibpa. Itang e gagalang king Anak e gagalang king Ibpa a mitubud keya.

Efeso 4:30

At e ye sa palungkutan ing Banal a Espiritu uling ya ing tatak na ning Dios kekayu, ya ing katibayan na ning kekayung pangayatbus potang datang ne ing Aldo mituldu.

Deuteronomio 18:19

Magsalita ya king lagyu ku at parusan ke ing ninumang e makiramdam.

Deuteronomio 9:7

Ganakan yu at kapilan man e yu kakalinguan king pepamua ye karin king disyerto ing Ginung kekayung Dios. Sasalangsang kayu manibat na kanitang meko kayu king bansang Ehipto angga na king aldo a miras kayu keti.

Colosas 2:9

Uling ing kabilugan a kadiosan atyu king katawan nang Cristo,

Hebreo 12:25

Inya mingat kayu at e kayu tatangging makiramdam king migsalita. Nung detang e mebisang makiramdam king migsalita karela e la miligtas king parusa, e kasi lalu ta nang e miligtas, nung e tamu makiramdam king magsalitang ibat karin banua!

Hebreo 3:16

Ninu ding mig-rebeldi laban king Dios agyamang dimdam da ing siwala na? Aliwa wari ding sablang taung leko nang Moises king Ehipto?

Josue 24:19

Oneng nganang Josue karing memalen, E ye malyaring asuyuan ing Ginu, uling Dios yang banal at mapangalalu; e na la patawaran ding kekayung kasalanan

1 Juan 5:16

Nung ing ninuman akit neng darapat kasalanan ing kapatad na, kasalanan a e miyangganan king kamatayan espiritual, ipanalangin ne at ing kapatad nang iti midinan yang bayung bie. Iti makatungkul karing kapatad a darapat kasalanan a e miyangganan king kamatayan espiritual. Oneng ating kasalanan a miyangganan king kamatayan espiritual, at e ku sasabian king ipanalangin ye ing ninumang taung darapat kaniti.

Kapahayagan 1:8

Aku ing Alpha at ing Omega, ngana ning Ginung Dios a Mayupaya, ing Dios ning kasalukuyan, ning milabas, at ning panaun a daratang.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.

Kapahayagan 2:8

Isulat mu iti king anghel na ning iglesia karin Esmirna: Iti ya ing pasabi na nitang mumuna at katataulian, ing mete at mebie pasibayu.

Kapahayagan 3:7

Isulat mu iti king anghel na ning iglesia karin Filadelfia: Iti ya ing sasabian na nitang banal at apagkatiwalan, ing tatalan king susi nang David; alang makasara king nanumang ibuklat na at alang makabuklat king nanumang isara na.

Ukum 13:18

Nganang kinutang ning anghel, Obat buri yeng abalu ing lagyu ku? Metung yang lagyung pagmumulalan.