Exodo 23:2 - Ing Mayap a Balita Biblia

² E yu pakiapusan ing gagawan da ring dakal potang gagawa lang e ustu o potang papanig la king pisasabian a e makatuliran.

Exodo 23:2 Iomraidhean Croise

Genesis 19:4

Bayu la migkera ban matudtud, pedurutnan de ing bale ding heganaganang lalaki na ning siudad ning Sodoma pati na anak at matua.

Genesis 6:12

Linawe ne ning Dios ing yatu at ikit nang e ya meging mayap, uling mabibie la ngan ding sablang tau king e ustu.

Genesis 7:1

Kanita ngana ning Ginu kang Noe, Lungub na ka king barku at ituki me ing mabilug mung pamilya, uling ika mu ing ikit kung tune darapat matulid king panaun a iti.

1 Ari 19:10

Nganang mekibat, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

Job 31:34

E ku pitakutan kapilan man nung nanu ing sabian da ring aliwa. E ku kinua king e bubulad o sinalikut kaya uli namu ning takut ku king malyaring sabian da kaku.

Ding Dalit 72:2

ban king mitmung katuliran pamahalan ne ing kekang balen, at karing magigipit ibie na ing katuliran.

Ding Kasebian 1:15

Anak ko, e ka makiabe karing taung anti karen. Dumayu ka karela,

Ding Kasebian 18:5

E ustu ing kampian ya ing mikasala, at pagkaitan yang hustisia ing taung alang pamikasala.

Ding Kasebian 4:14

E me daralanan ing daralanan da ring taung e mayap ni pakiapusan ing e ustung karelang daraptan.

Jeremias 37:15

Mua la kanaku at pemalupalu da ku at kilung king bale nang Jonatan, ing kalihim; gewa reng sukulan ing bale na.

Jeremias 37:21

Inya inutus na ning Aring Zedekias ing mikulung ku king sukulan na ning palasyu. Karin ku mesukul at balang aldo miririnan kung tinape a manibatan karing panaderia angga king megisan la ding tinape king siudad.

Jeremias 38:9

Makamal a Ari, e pu ustu ing depat da reting lalaki. Bildug de i Jeremias king talaga; siguradu yang mate king danup, uling ala nang pamangan king siudad.

Ezekiel 9:9

Nganang mekibat, Dinapat lang tutung maragul a kasalanan ding memalen na ning Israel at Juda. Dinapat lang pamakamate tau king mabilug a bansa at kitmuan deng krimen. Sasabian da king aku, ing Ginu, gilutan ke kanu ing bansa at king e ku la kanu akakit.

Levitico 19:15

Maging tapat kayu at makatuliran neng babie kayung kayatulan karing piamanuan arapan na ning piukuman; e kayu mangabiran karing pakakalulu ni tatakut karing mabandi.

Hageo 1:4

Kakung memalen, obat manuknangan kayu karing masanting a pibalebale kabang makalugmuk ya king kasiran ing kanakung Templo?

Marcos 15:15

King kapagnasan nang apamatulan na lang Pilato ding tau, pepabulus ne i Barabas; pepabarug neng latiku i Jesus at kaybat binie ne karela ban ipaku re king krus.

Ding Dapat 24:27

Milabas ing aduang banua, inyang inalilan neng Porcio Festo i Felix king panga-gobernador. King imbut nang Felix a akua na la pilubluban ding Judio, pepaburen neng menatiling makasukul i Pablo.

Ding Dapat 25:9

King imbut nang magpalugud Festo karing Judio, nganang kinutang kang Pablo, Bisa na ka mang magbalik Jerusalem ban karin ka malitis king arap ko?

Roma 1:32

Balu ra ing sasabian na ning kautusan na ning Dios king ding taung makanyan kailangan lang mate. Makanyan man, e pa makagyu ing daraptan da la deting bage, nune pamayapan da la pa ding aliwang darapat kareti.

Deuteronomio 1:17

E la sana mangabiran kenu man king karelang pamanatul; parehu la sana lawe karing malati't maragul at e mitatakutan kenu mang tau, uling ing karelang kayatulan manibat king Dios. Nung mabayat yang lutasan ing problema, idala re kanaku at aku ing lumutas.

Deuteronomio 16:19

E ra sukat babaluktut ing hustisia; e la sukat mangabiran o tatanggap suhul, uling ing suhul bubulagan na la mata ding biasa ampon tapat, at ya ing pasari king e ustung kayatulan.

Deuteronomio 24:17

E yu pagkaymut ing hustisia karing dayuan o ulila o kakuanan man anting sangla ing balabal na ning babaing mebalu.

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.

1 Samuel 15:24

Kanita nganang Saul kang Samuel, Mikasala ku; e ku memintu king utus ning Ginu at king payu mu kanaku uling pepaisaul ku king takut karing sundalus ku at tinuki ku king kaburian da.

1 Samuel 15:9

Oneng tinagan neng Saul at ding sundalus na i Agag at ding masanting diling tupa at baka at miyayaliwang animal a mataba at ing sablang bage ating ulaga. Bukud mung ing bage alang ulaga ing sinira da o pete.