Exodo 23:12 - Ing Mayap a Balita Biblia

¹² Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

Exodo 23:12 Iomraidhean Croise

Nehemias 13:16

Ating tau Tiro a manuknangan Jerusalem a magdalang asan at miyayaliwa pang paninda, at pisasali ra iti karing memalen na ning Juda at ning Jerusalem king Aldo ning Sabbath.

Exodo 16:23

Ngana karelang Moises, Inutus na ning Ginu king ing bukas aldo yang sagradu para paynawa, makatalaga ya para king Ginu. Ilutu yu na ngeni pa itang buri yung ilutu, at ipabukal yu na ngeni pa itang buri yung ipabukal. Sukat ilele at isinup para bukas ing nanumang mitagan.

Exodo 23:11

pero e ye tatamnanan karas ning kapitung banua. E yu naman pupupulan ing nanumang tumubu karin. Paburen yung ding pakakalulu ilang makinabang kaniti at paburen na karing animal itang e ra agisan. Makanyan munaman ing daptan yu karing tamnanan yung ubas at olibo.

Exodo 34:21

Daptan yu kilub ding anam a aldo ing obra yu; paynawa kayu king kapitung aldo, agyang pang panaun na ning pamaniarul o panaun na ning pamamalut.

Exodo 35:2

Atin kayung anam a aldo ban daptan yu ing obra yu, pero sukat yang maging sagradung aldo ing kapitung aldo; metung yang aldo na ning pamagpaynawa a makatalaga para kanaku, ing Ginu. Paten ya ing ninumang magobra king Aldo ning Sabbath.

Exodo 35:3

Agyang patau mung api kilub ding bale yu, e yu daraptan king Aldo ning Sabbath.

Isaias 58:3

Ngarang mengutang ding tau, Baket kailangan pa ing mag-ayunu tamu, nung e na katamu mu rin pansin ning Ginu? Baket kailangan pa ing pairanup tamu, nung e na katamu mu rin papansinan? Nganang mekibat karela ning Ginu, King kamatutuanan kabang mag-ayunu kayu, iyagnan yu naman ing pamanintun yu king sarili yung kapakanan at gigipitan yu la ding magobra yu.

Levitico 23:3

Atin kayung anam a aldo ban gawan ing obra yu, oneng ing kapitung aldo, ing Aldo ning Sabbath, ya ing aldo ning pamagpaynawa. E kayu magobra king aldong iti; mitipun kayu ban samba nu kayu man karin. Kanaku ya ing Aldo ning Sabbath; aku ing Ginu.

Marcos 2:27

At ngana pang Jesus, Melalang ya ing Aldo ning Sabbath para king kapakanan na ning tau; aliwa ing tau yang melalang para king Aldo ning Sabbath.

Lucas 13:14

Oneng mimua ya ing manibala king sinagoga uling menulu ya i Jesus king Aldo ning Sabbath. Inya sinabi na karing tau, Ating anam a aldo a sukat tamung magobra. Datang kayu keti kareting aldo ban paulu at e king Aldo ning Sabbath!