Exodo 23:11 - Ing Mayap a Balita Biblia

¹¹ pero e ye tatamnanan karas ning kapitung banua. E yu naman pupupulan ing nanumang tumubu karin. Paburen yung ding pakakalulu ilang makinabang kaniti at paburen na karing animal itang e ra agisan. Makanyan munaman ing daptan yu karing tamnanan yung ubas at olibo.

Exodo 23:11 Iomraidhean Croise

Nehemias 10:31

E ke sali nung ding dayuan magtinda lang binutil o nanumang paninda neng Aldo ning Sabbath o king isanu mang aldo pangilinan. E mi ya tamnanan ing asikan king kapitung banua, at e mi na la singilan detang ating utang kekami.

Nehemias 10:32

Ing kawalung dake na ning metung a onsang pilak ing ibie mi balang banua para king gastus ning Templo.

Exodo 23:10

Kilub ding anam a banua tamnanan yu't pupulanan ing gabun yu,

Exodo 23:12

Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

Levitico 25:20

Mekad ikutang yu nung nukarin ya kuanan ing pangabiayan yu karas na ning kapitung banua uling e kayu manasik o mamupul.

Levitico 25:22

Potang manasik kayu king kawalung banua, kakanan yu pa ing pinupul yu inyang kanam a banua, at atin kayung sapat a kanan angga na itang pupulan yu ing tenam yu king kasiam a banua.

Ding Bilang 16:14

Karagdagan kaniti, e mu ke pa dela ketang gabun nung nukarin labis-labis ing kabiayan o dininan gabun at mulahan ubas. Bala mu galang alinlang mu kame? E ke bisang makikit keka!

Deuteronomio 15:11

E la mawala kapilan man king balen yu ding pakakalulu at mangailangan a kalupa yung Israelita. Iti ing sangkan nung inya iyutus ku kekayu king saupan yu la king mitmung ganaka.