Exodo 22:9 - Ing Mayap a Balita Biblia

⁹ Ing nanumang pisasabian tungkul king pibandian maging iti metung yang baka, asno, tupa, imalan o nanumang bage mebating, ding adua kataung parehung sasabing bandi re, sukat lang piyarapan king lugal a pisasamban king Dios; ninuman karela ing atulan nang mikasala ning Dios sukat yang mamayaran dobli king tune makibandi.

Exodo 22:9 Iomraidhean Croise

Genesis 31:39

Nung atin lang apate ding mabangis a animal e ku na la papakit kekayu; agad ku na lang alilan; meging katungkulan keng alilan ing mepanako neng aldo o neng bengi.

1 Ari 8:31

Nung misangkanan yang dinapat e ustu ing metung a tau king kalupa nang tau, idala re keting altar mu at pasumpan nung ala ya ping kasalanan.

2 Cronica 19:10

Ituru yu la ding kapatad yung manibatan karing karelang siudad king sukat nang daptan ning ninumang misasampang dalum laban king mekamate tau o linabag king kautusan at karing tuntunan ban e la mikasala king Ginu. Nung e yu daptan, datang kekayu at karing kapatad yu ing mua na ning Ginu. Oneng e kayu mikasala nung tuparan yu ing katungkulan yu.

Exodo 22:10

Nung ing ninuman atin yang penabilin a asno, baka, tupa o kaya aliwa pang animal king aliwa, at mete ya ing animal o kaya mepinsala ya o mepanako ya at alang menakit king milyari,

Exodo 22:28

E kayu magsalitang e mayap laban king Dios o panagkasan ing manimuna na ning balen yu.

Levitico 6:5

Isubli ne ing isanu man kareting mebanggit, at saka ne pa patunganan beinti por sientu ing alagang sukat bayaran na.

Mateo 18:15

Nung mikasala ya keka ing kapatad mu, lapitan me at ipakilala mu ing pamikasala na. Oneng daptan mu king makalihim, ita sanang ikayu mung adua. Nung pakiramdaman na ka, ikua meng abalik a lub keka ing kapatad mu.

Mateo 18:35

Nganang memupus Jesus king pamagsalita na, Makanyan munaman ing daptan na kekayu ning Ibpa kung atyu banua, nung ing balang metung kekayu e ya biasang mamatawad maniaman king lub na king kapatad na.

Deuteronomio 25:1

Nung atin lang piamanuan ding aduang tau at dela ra iting pisasabian king husgadu, ding ukum ilang lumitis. Sukat deng pawalan sala itang alang kasalanan, oneng itang mikasala ya ing atulan da.