Exodo 22:7 - Ing Mayap a Balita Biblia

⁷ Nung ating ninumang menilas salapi o nanumang bage king aliwa at mepanako la reti king bale na ning pipanilasan, nung marakap ya ing menako, sukat yang mamayad dobli.

Exodo 22:7 Iomraidhean Croise

Exodo 22:6

Nung magdapug ya ing ninuman king marangle na, at ikua nang mikalat king dikut, at mirasan ing marangle na ning aliwa, at minyilab king pupul na a makatalakad pa o kaya mepalut na at makatumpuk na, sukat yang mamayaran ing taung mekapasari king silab king sablang mesira.

Jeremias 2:26

Ngana ning Ginu, Memalen ning Israel, nung makananung mangapakarine ya potang marakap ya ing mapanako, ikayu ngan, ding kekayung ari at pamuntuk, ding kekayung pari, at propeta, mangapakarine kayu naman.

Levitico 19:13

E ye sasamantalanan o panakawanan ing ninuman ni ipagkait ding bayad ning taung kinua yung magobra; e yu ipagpaliban ing upa na kilub ning kabukas.

Levitico 6:1

Ngana pa ning Ginu kang Moises,

Levitico 6:2

Mikasala ya ing ninuman nung ilingad ne ing bage a penilas da keya o e tinupad king kasunduan o menako ya o kaya migsamantala ya king kalupa nang tau

Levitico 6:5

Isubli ne ing isanu man kareting mebanggit, at saka ne pa patunganan beinti por sientu ing alagang sukat bayaran na.

Juan 12:6

Sinabi na iti e uling atin yang malasakit karing pakakalulu, nune uling mapanako ya; ya ing tesoreru da at kukupit ya karing salaping ingatan na.

1 Corinto 6:10

ding mapanako, sakim, lasenggu, mapanagkas, at ding tulisan e re kamtan ing Kayarian ning Dios.