Exodo 22:27 - Ing Mayap a Balita Biblia

²⁷ uling ing balabal ya mu kabud ing malyari nang panakap king katawan na ban e ya dimla. Nanu ing ulasan na potang matudtud ya? Nung maus yang pasaup kanaku, pakiramdaman ke uling aku tune kung mapaglunus.

Exodo 22:27 Iomraidhean Croise

2 Samuel 16:5

Inyang miras ya king Bahurim i David, ating metung a lalaking sinalubung at panagkasan ne; ing lagyu na Simei a anak nang Gera at kamaganak neng Saul.

1 Ari 2:8

E mia naman kakalinguan i Simei a anak nang Gera ning balen ning Bahurim ning tribu nang Benjamin. Piniumpa na kung e mu nanu kanitang aldo a minta ku king Mahanaim. Oneng inyang saganan na ku king Ilug ning Jordan, pengaku ku king lagyu na ning Ginu king e ke paten.

1 Ari 2:9

E mu sa paintulut ing e ya miparusan. Biasa ka at balu mu na ing gawan mu kang Simei. Siguraduan mung magdusa yang kamatayan.

2 Cronica 30:9

Nung magbalik kayu king Ginu, kanita ding mekabihag at migdala karing kekong kamaganak at anak pakitanan da lang lunus at ibalik da la kekayu, uling maganaka ya at malunusan ing Ginung kekayung Dios, at nung magbalik kayu tanggapan na kayu.

Ding Dalit 34:6

Ing taung maliligalig king Ginu minaus ya, at pekiramdaman ne; linigtas ne king sabla nang dusa.

Ding Dalit 72:12

Sagipan na la ding pakakalulung pasaup, at ding taung mipaburen a mangailangan saup.

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Exodo 22:23

Nung alipustan yu la, siguradu lang maus pasaup kanaku at aku, ing Ginu, pakibatan ku la;

Exodo 34:6

Linabas ya kanita ing Ginu king arapan nang Moises at kilait na, Aku, ing Ginu, metung kung Dios a mapaglunus ampon maganaka, e agad mimimua, at papakit kung maragul a lugud a e kukupas, at katapatan.

Ecclesiastes 10:20

Ngening makakera na ka king kekang pagkeran agyang king sarili mu e me insultuan ing ari at ding taung masalapi, magkang ing metung a ayup o ing aliwa pang ating pakpak iyatad na karela itang dimdam na keka.

Isaias 19:20

Maging palatandanan la deti king panga-atyu na ning Ginung Mayupaya king Ehipto. Potang mayalipit la ding tau karin at maniawad lang saklolu king Ginu, mitubud yang talapagligtas para karela.

Deuteronomio 24:10

Nung atin kayung nanumang bage peparam king kalupa yung tau, e ye luluban a bale ban kumang peka sangla na.