Exodo 22:23 - Ing Mayap a Balita Biblia

²³ Nung alipustan yu la, siguradu lang maus pasaup kanaku at aku, ing Ginu, pakibatan ku la;

Exodo 22:23 Iomraidhean Croise

Job 34:28

Ila ding meging sangkan inya ding kalulu sinaingsing la king Dios, at dimdam na ing kulait ding maniawad kasaupan.

Job 35:9

Sasaingsing la ding taung magigipit; maniawad lang saup karing aliwa ban sagipan da la.

Ding Dalit 10:14

Oneng akakit mu, O Ginu, ing kasakitan at kaligaligan, at makasadia kang sumaup. Ing taung alang arapat keka na ipanibala ing sarili na, uling bukud ika ing talasaup da ring ulila.

Ding Dalit 140:12

Ginu, balu ku ika ing mimingat karing kalulu, at king matulid da ring mangailangan.

Ding Dalit 145:19

Babie ning Ginu ing kapagnasan da ring sablang ating takut; pakiramdaman na naman ing saingsing da at liligtas na la.

Ding Dalit 18:6

Kaniting gipit kung kabilian, ing Ginu ya ing kakung inaus; king Templo na kakung bosis dimdam na, kakung saingsing miras king panamdam na.

Ding Dalit 68:5

Ya ing Ibpa da retang alang tata, at ding babaing mebalu ya ing talaingat da; makanyan ya ing Dios a manuknangan ketang banal a Templo na.

Exodo 22:27

uling ing balabal ya mu kabud ing malyari nang panakap king katawan na ban e ya dimla. Nanu ing ulasan na potang matudtud ya? Nung maus yang pasaup kanaku, pakiramdaman ke uling aku tune kung mapaglunus.

Ding Tagulele 5:3

Ding kalaban pete da lang tata mi, at ding kekeng ima mebalu la ngeni.

Lucas 18:7

Ngeni, ipagkaymut na kaya ning Dios ing katuliran karetang sariling pinili na a mamaus pasaup keya aldo't bengi? E na la kaya agad saupan?

Deuteronomio 10:18

Papairal na ing hustisiang mangaintulid karing meulilang tata at mebalung babai; kaluguran na la ding dayuan at dirinan na lang pamangan ampon imalan.

Deuteronomio 15:9

Mingat kayu pota e ye saupan at sabian yu king lub yu, Malapit na ing kapitung banua na ning pamamatawad. Nung tanggian yeng saupan isumbung na kayu king Ginu at iti mibilang kasalanan kekayu.

Deuteronomio 24:15

Ibie yu ing upa na kayari nang megobra bayu ya lumbug ing aldo; uling kalulu ya at ing upa na ya ing asahan nang pagkabie. Nung e yu agad ibie ing upa na, isumbung na kayu king Ginu at iti mibilang kasalanan kekayu.

Santiago 5:4

Magsalitang laban kekayu ing upang e yu binie karing taung megobra king kekayung gabun. Susukdul king banua ing saingsing da ring talapagobrang linipit yu; miraras king panamdam na ning Ginung Mayupayang tutu.