Exodo 22:22 - Ing Mayap a Balita Biblia

²² E ye alipustan ing mebalu o ing ninumang ulila.

Exodo 22:22 Iomraidhean Croise

Job 31:16

Kapilan man e ku la pigkaitan ding kalulu; kapilan man e ku la pepaburen ding mebalung mangailangan

Job 34:28

Ila ding meging sangkan inya ding kalulu sinaingsing la king Dios, at dimdam na ing kulait ding maniawad kasaupan.

Ding Dalit 10:14

Oneng akakit mu, O Ginu, ing kasakitan at kaligaligan, at makasadia kang sumaup. Ing taung alang arapat keka na ipanibala ing sarili na, uling bukud ika ing talasaup da ring ulila.

Ding Dalit 34:7

Ing anghel ning Ginu babanten na la detang ating takut at gagalang; king panganib liligtas na la.

Ding Kasebian 22:23

Ing Ginu ya ing mingat king karelang piyamanuan at bantan ne bie ing ninumang magbanta king bie ra.

Ding Kasebian 23:10

E mo yayalis ding muhun a matua o kukuanan ing gabun a bandi ra ding ulila,

Ding Kasebian 23:11

uling ing Ginung mimingat karela mayupaya ya at ya ing marap laban keka.

Isaias 1:17

at magaral na kang dapat king mayap. Patupad mu ing hustisia; saupan mu la ding magigipit, ibie mu ing karapatdapat karing ulila, at idipensa mu la ding mebalung babai.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Isaias 10:2

Makanyan yu lang sasabatan ding pakakalulu king katuliran da at king pamanintun dang hustisia. Makanyan yu lang panakawanan ding mebalung babai at ulila.

Jeremias 7:6

Tuknangan yu na ing pamagsamantala karing dayuan, karing ulila, at karing babaing mebalu. Tuknangan yu na ing pamakamate karing alang kasalanan a memalen na ning bansang iti. Tuknang na kayung sasambang aliwang dios uling iti ya ing makasira kekayu.

Jeremias 7:7

Nung magbayu kayu, paintulut ku kanita ing pamanatili yung manuknangan keting bansang binie ku karing kekayung makatua bilang pibandian yu king kapilan pa man.

Ezekiel 22:7

Ala metung man king siudad a gagalang mo sa karing pengari na. Pamiraitnan mu la ding dayuan at sasamantalanan ding babaing mebalu at ding ulila.

Zacarias 7:10

E yu la gigipitan ding babaing mebalu, ding ulila, at ding dayuan a manuknangan libutad yu o ing ninumang atyu king pamangailangan. At e kayu babalak nanumang e mayap a makapanasakit king aliwa.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Mateo 23:14

Makalunus na kayo, ikayung talaturu ning Kautusan at Pariseo! Hipokrita! Sasamantalanan yu ing pibandian da ring mebalu king kapamilatan na ning panalangin yung mangakaba! Uli na ning dapat yung yan lalung maging mabayat ing parusang miyabie kekayu!]

Deuteronomio 10:18

Papairal na ing hustisiang mangaintulid karing meulilang tata at mebalung babai; kaluguran na la ding dayuan at dirinan na lang pamangan ampon imalan.

Deuteronomio 15:9

Mingat kayu pota e ye saupan at sabian yu king lub yu, Malapit na ing kapitung banua na ning pamamatawad. Nung tanggian yeng saupan isumbung na kayu king Ginu at iti mibilang kasalanan kekayu.

Deuteronomio 24:17

E yu pagkaymut ing hustisia karing dayuan o ulila o kakuanan man anting sangla ing balabal na ning babaing mebalu.

Deuteronomio 24:18

E yu sana kakalinguan king meging ipus kayu karin king Ehipto, oneng linigtas na kayu ning Ginung kekayung Dios. Iti ing sangkan nung inya binie ku la deting kautusan.

Deuteronomio 27:19

Isumpa ya ing ninumang magkaimut hustisia king dayuan, king ulila, at king babaing mebalu. At ding sablang tau makibat la, Amen!

Santiago 1:27

King arapan na ning Dios a Ibpa tamu, ing tune at dalise relihiun ya ini: saupan la ding ulila at ding babaing mebalu king karelang kasakitan, at ingatan ing sarili ban e midinatan king e mayap na ning yatung iti.