Exodo 22:2 - Ing Mayap a Balita Biblia

^2-4 Sukat yang mamayaran king penako na. Nung ala yang bitasang pamayad, sukat yang mipisali bilang ipus ban abayaran na ing penako na. Nung ing animal a mepanako baka ya o asno o tupa, at mayakit yang mabie pang atyu king sakup na; sukat neng bayaran dobli ing balang animal a penako na. Nung mebante ya ing manlub neng bengi, at apate ne ning makibale, ala yang pakibatan ing mekapate. Nung iti merapat neng aldo, atin yang pakibatan ing mekapate king kasalanan pamakamate tau.

Exodo 22:2 Iomraidhean Croise

Job 24:14

Maralumdum pa talakad ne ing taung makamate karing kalulu; karas ning bengi ing pamanako naman ya ing gawan na.

Job 24:16

Karas ning bengi ding mapanako manlub lang bale, oneng neng aldo sasalikut la; ing sala pangilagan da.

Job 30:5

Anti lang mapanako king kulisak panabi ding tau.

Jeremias 2:34

Mimantsahan ya ing susulud mung imalan king daya da ring pakakalulu at alang kasalanan; e king daya da ring mapanako. Makanyan man

Hosea 7:1

Potang buri ku lang uluan ding memalen kung Israelita at gawan pasibayung masalese bili, kanita da naman papakit ing karelang dapat a e ustu at ing dapat dang e mayap. Mipamirait la, manlub la karing bale at manako la, panakawanan da la ring tau king dalan.

Joel 2:9

Mabilis lang lulub king siudad, lulundagan da lang pader a matas; bale karela lang papanikan, at anti lang mapanako daralan karing awang.

Ding Bilang 35:27

at kaybat akit ne ning pekamalapit nang kamaganak ning apate na at pete ne, ala yang pakibatan ing mekamate.

Mateo 24:43

Oneng tandanan yu ini: nung ing metung a mibalebale balu na nung nanung oras ning bengi karin ya datang ing mapanako, siguradung e ya matudtud at e ne paburen makapanlub king bale na.

1 Tesalonica 5:2

Uling ikayu mismu balu yu king ing Aldo ning Ginu kalupa ne ning paniatang na ning mapanako.

1 Pedro 4:15

Ninuman sana kekayu e ya miparusan uli na ning metung yang makamate tau o mapanako o kriminal o mapanggulu ya.