Exodo 22:18 - Ing Mayap a Balita Biblia

¹⁸ Paten ya ing ninumang babaing mangkukulam.

Exodo 22:18 Iomraidhean Croise

Isaias 19:3

Kimut ku ban mabigu la ding tangka da ring tau Ehipto at painan ku la lub. Lumapit la karing karelang idolo ban maniawad saup at mamunta la karing enkantador at aduananan da lang payu ding espiritu da ring mete.

Jeremias 27:10

Lilinlangan da kayu mu deting propeta ban milaut kayu king kekong bansa. Aku ing mitabi kekayu at magisan kayu.

Jeremias 27:9

E kayu makiramdam karing kekong propeta o kenu mang sasabing aula na ing aldo daratang king kapamilatan ding paninap o king kapamilatan na ning pamaniaus karing espiritu da ring mete o king kapamilatan na ning salamangka. Ila ngan sasabian da kekayu king e kayu pasakup king ari na ning Babilonia.

Levitico 18:23

E ya sukat makipangatawan ing ninumang lalaki king kaisanu mang animal. E na naman dapat babie ning babai ing katawan na king metung a animal; ing anti kaniting dapat tune e mayap.

Levitico 19:26

E kayu mamangan king isanu mang karning atin pang daya. E kayu gagawang nanumang pamagsalamangka o pamangkukulam.

Levitico 19:31

E kayu maniawad kausukan karing mamamanula o karing espiritista a makipagsalita karing mete. Midinatan kayu kabud sinangguni kayu karela. Aku ing Ginung kekayung Dios.

Levitico 20:27

Paten ya kapamilatan na ning basibas batu ing ninumang lalaki o babai a makisangguni karing espiritu ra ding mete. Ya ing pepasari king sarili nang kamatayan.

Levitico 20:6

Nung ing ninuman linapit yang maniawad kausukan karing mamamanula at karing espiritistang makipagsalita karing mete, isakuil ke at itiwalag king pangamiembru na king balen Israel.

Ding Dapat 19:19

Ding keraklan naman karetang darapat salamangka tinipun da la ding libru da at silaban da la king durungutan da ring sabla. Kinwenta da la ring libru at meyakit king mika alaga lang limang pulung libung salaping pilak.

Galacia 5:20

king pamanyamba karing idolo at karing mangkukulam. Milaban-laban la ding tau, mipatepate la, mipapangalalu la, mipapagkamua la at mapagimbut. Mipatepate la karing miyayaliwang partido at lupung;

Deuteronomio 27:21

Isumpa ya ing ninumang makipangatawan king isanu mang animal. At ding sablang tau makibat la, Amen!

Kapahayagan 22:15

Oneng malakuan la king lual na ning siudad ding sakim, ding mangkukulam, ding makipangalugud, ding makamate tau, ding sasambang dios-diosan, at ding maburi at magsalita king kalaraman.

1 Samuel 28:3

Mete ne i Samuel at penangisan ne ning mabilug a Israel at kitkut karin Rama a sarili nang siudad. Tinabi na lang Saul ding sablang mamamanula at makikisabi karing mete.

1 Samuel 28:9

Pekibat na ning babaing mamamanula, Siguradung balu mu ing depat nang Saul: pepatabi na la ding sablang mamamanula at makikisabi karing espiritu da ring mete king Israel. Obat buri mu kung siluan? Buri mu kung ipapate ne?