Exodo 22:17 - Ing Mayap a Balita Biblia

¹⁷ Nung tutul ya ing tata na ning dalaga king pamiyasawa ra, sukat yang mamayaran king tata ing miglinlang king alagang katumbas ning karaniwan a duru para king metung a dalagang makiasawa.

Exodo 22:17 Iomraidhean Croise

Genesis 23:16

Mekipagkayari ya i Abraham kang Efron. Tinimbang na ing pilak a sinabi nang pamayad na king daramdaman da ring Hiteo; apat a ralan a pirasung pilak agpang king alagang mimiral kanita.

Genesis 30:20

Ngana, Tutu yang mal ing kalam a binie na ning Dios kanaku. Ngeni lubus na na kung luguran ning asawa ku uling anam na lang lalaki ding ayanak ku. Inya pemalagyuan neng Zebulun ing anak.

Genesis 34:12

Bayaran ke ing duru agyang magkanu ya. Paintulutan yu mung ayasawa ke ing anak yung dalaga.

Levitico 20:6

Nung ing ninuman linapit yang maniawad kausukan karing mamamanula at karing espiritistang makipagsalita karing mete, isakuil ke at itiwalag king pangamiembru na king balen Israel.

Deuteronomio 18:10

Ala metung man kekayu ing malyaring silab king anak na ban iyain king altar ning Dios; e kayu darapat nanumang pamamanula o pamanawas o mangulam

Deuteronomio 22:29

sukat yang mamayaran limang pulung salaping pilak king tata na ning dalagang sinalbahi na at pakasalan ne uling sinira ne puri. E ne malyaring kawanian ning lalaki kabang bie na.

1 Samuel 18:25

Kanita nganang Saul, Sabian yu kang David king ala kung buring nanumang duru nune mu ring dinalan a sepu ding balat a pipagsirkunsisyunan da ring Filisteo anting ablas karing kalaban. Inisip nang Saul iti ban paten de ring Filisteo i David.

1 Samuel 28:3

Mete ne i Samuel at penangisan ne ning mabilug a Israel at kitkut karin Rama a sarili nang siudad. Tinabi na lang Saul ding sablang mamamanula at makikisabi karing mete.