Exodo 22:14 - Ing Mayap a Balita Biblia

¹⁴ Nung mindam yang metung a animal ing ninuman king aliwa, at mepinsala ya ing animal o kaya mete ya king e na akakit ning makibandi, sukat yang mamayaran ing menandam.

Exodo 22:14 Iomraidhean Croise

Nehemias 5:4

Ding aliwa pa sasabian da, Mepilitan kaming menutang salapi ban makapamayad kaming buis king ari para karing kekaming asikan ampon mulahan ubas.

Ding Dalit 37:21

Ing taung e mayap mandam ya, oneng e na balung isubli itang inandam na; ing taung mayap mapaglunus ya at mamie ya.

Exodo 21:34

sukat yang mamayaran ing makibandi king talaga; bayaranan ne ing makibandi king animal at miyabie ya king maki bandi king talaga ing mete animal.

Exodo 22:11

sumpa ya ing penabilinan ketang lugal a pisasamban king Dios king ya e ne pigimbutan ing animal a mipanabilin bilang kargu na. Panaligan na na ning makibandi iting sumpa at ala yang bayaran nanuman ing penabilinan.

Exodo 22:13

Nung pete de ring lasip ing animal, iyapag ne ning penabilinan bilang katunayan king mete ya ing animal; e ya sukat mamayaran kanita para king animal a pete da ring lasip.

Exodo 22:15

Nung atyu ya ing pipanandaman inyang mete ya o mepinsala ing animal, e ya sukat mamayaran ing mindam. Nung animal yang pakiupa na ning makibandi, ing upang tinggap na makagyu neng maging kabayaran.

Levitico 24:18

Nung animal ne man ing pete na ning ninuman, sukat neng alilan iti, uling nung bie ing inutang bie munaman ing pamayad.

Mateo 5:42

Nung ating maniawad keka, dinan me; at nung ating mandam keka, paraman me.

Lucas 6:35

E makanyan! Sukat yu lang luguran ding kekayung kalaban, at daptananan yu lang mayap. Mamaram kayu, at e na kayu manenayang mibayaranan pa. King anti kaniting paralan tanggap kayung maragul a ablas at maging anak na kayu ning Kakataskatasan a Dios, uling maganaka ya agyang karing alang pasalamat at marawak.

Deuteronomio 15:2

Anti kaniti ing daptan yu king pamamatawad utang: E na ne sukat singilan pa nitang pepautang king kalupa nang Israelita, uling sinabi na na ning Ginu ing kapatawaran.