Exodo 21:8 - Ing Mayap a Balita Biblia

⁸ Nung ing sinali buri neng maging asawa na at kaybat e ne kaluguran, malyari neng payatbus king tata na ning babai. E ne malyaring pisali karing dayuan, uling e ya meging tapat ing sinali.

Exodo 21:8 Iomraidhean Croise

Genesis 28:8

Ikit nang Esau king e na la katulan tata na ring babaing tubu Canaan.

Job 6:15

Oneng ikong kakung kakaluguran, ing kalupa yu batis a lilipas; mistulang kalalangian kabud ala nang uran.

Exodo 21:7

Nung pisali ne bilang ipus ning metung a tata ing anak nang babai, e ne malyaring dinan kalayaan anti ding ipus a lalaki.

Exodo 21:9

Nung telaga na ne man ning sinali ban ayasawa ne ning anak nang lalaki, ituring neng sarili nang anak.

Exodo 8:29

Mekibat ya i Moises, Kalako ku keti, ipanalangin ku king Ginu king bukas ilako na na la ding lango kekayu, karing opisyal yu, at karing taung sasakupan yu. Oneng e yu na ke sana lilinlangan pasibayu at e yu na la sana sasabatan ding Israelita king paglako ra ban miyain ain-sakripisyu king Ginu.

Ezekiel 15:8

E la meging tapat kanaku; inya gawan keng anting disyerto ing bansa ra. Ing Ginung Dios ya ing migsalita.

Deuteronomio 20:7

Ating ninuman kekayu a makatakda nang ikasal king kakaburi na? Malyari yang muli, uling pota mate ya king gera at makapakiasawa yang aliwa ing kakaburi na.

Ukum 14:3

Nganang tata na at ima na, Samson, ala na waring babai kareng anak da reng kamaganak tamu o kareng kabalen tamu, at kailangan ka pang munta kareng paganung Filisteo ban manintun maging asawa mu? Nganang sinabing Samson kang tata na, Ya ing buri kung maging asawa.

Ukum 9:19

Nung tune tapat at marangal ing depat yu para kang Gideon at king pamilya na, kanita maging masaya kayung kayabe nang Abimelek, at maging masaya ya naman kayabe yu.

1 Samuel 18:8

E ya matula i Saul kaniting dimdam na, inya mimua ya. Ngana king lub na, Laksa-laksa la ring sasabian dang pete nang David samantalang aku libu-libu la mu. Kulang na mu ing ya na ing kilalanan dang ari.

1 Samuel 8:6

Oneng e ya matula i Samuel kaniting karelang kayaduanan. Inya menalangin ya king Ginu.