Exodo 21:2 - Ing Mayap a Balita Biblia

² Nung sali kang ipus a lalaking Hebreo, suyuan na ka niti king anam a banua. Malyari na na kang lakuan king kapitung banua; dinan meng kalayaan at ala yang bayaran nanuman.

Exodo 21:2 Iomraidhean Croise

Genesis 27:28

Mananu na sanang dinan na ka ning Dios king ambun ning banua, at gabun a mataba, at labis-labis a pupul ampon alak.

Genesis 27:36

Nganang Esau, Jacob ya pin ing lagyu na, uling mekatadua na na ku pirait. Ing minuna, kinua ne ing katuliran ku bilang pangane at ngeni kinua ne pa ing bendisyun mu a mangaintulid kanaku. Kanita nganang kinutang, Ala na kayu waring mitagan pang bendisyun para kanaku?

2 Ari 4:1

Minta ya kang Eliseo ing babaing mebalu na ning metung a miembru king aguman da ring propeta at ngana, Mete ne ing asawa ku, at balu yu king siyuan ne ing Ginu king mitmung katapatan. Datang ya ngening aldong iti ing pikautangan na ban kuanan na la ring adua kung anak a lalaki at gawan na lang ipus.

Nehemias 5:8

Ngaku king kapulungan, Depat tamu ing sablang agyu tamu ban ayatbus ta la ding kalupa tamung Judio king karelang panga-ipus karing aliwang bansa. Oneng ikayu naman ngeni pipilitan yu la ding kapatad yu ban maging ipus yu a kalupa yung Judio. E la makabulad; tahimik la.

Exodo 12:44

pero ing ninumang ipus a seli yu malyari yang makisulu kaniti, nung sirkunsisyunan ye pa.

Exodo 21:3

Nung e ya talasawa kanitang miras ya keka bilang ipus, mako ya namang alang asawa; nung dinatang ya keka a talasawa na, tuki ya ing asawa na potang malaya ne.

Exodo 21:7

Nung pisali ne bilang ipus ning metung a tata ing anak nang babai, e ne malyaring dinan kalayaan anti ding ipus a lalaki.

Levitico 25:54

Nung e na akuang mayatbus, kaisanu man kareting paralan, ya ampon ing pamilya na sukat lang mirinan kalayaan karas na ning tutuking Banua ning Pamanyubli.

Mateo 18:25

Ala yang apamayad king utang na, inya inutus na ning ari king pisali re at pati na ing asawa na at ding anak da at ing sabla nang pibandian ba yang makabayad utang.

1 Corinto 6:20

Seli na kayu ning Dios at mal ing binayad na para kekayu. Inya gamitan yu la ding kekayung katawan para king ikaligaya na ning Dios.

Deuteronomio 15:1

King kapupusan na ning balang kapitung banua sukat yu lang patawaran detang ating utang kekayu.

Deuteronomio 15:18

E sana mabayat king lub yu ing palakuan yeng malaya, uling ing anam a banuang pamaniuyu na kekayu maygit ya ketang sueldung babie yu king taung makipagobra kekayu. At bendisyunan na kayu ning Ginung kekayung Dios king sablang daptan yu.

Deuteronomio 31:10

Nganang minie bilin karela, King kapupusan na ning balang kapitung banua, ing banua na ning pamamatawad karing maki utang, king Piesta da ring Dalungdung,