Exodo 21:14 - Ing Mayap a Balita Biblia

¹⁴ Nung ing ninuman, king mua na seria neng pete ing kalupa nang tau, sukat yang paten agyang pang mulayi yang salikut king kakung altar.

Exodo 21:14 Iomraidhean Croise

Hebreo 10:26

Nung kaybat tamung akilala at tinggap ing katutuan sarian ta pang gagawang pamikasala, ala nang ain a malyari pang iyain bilang kapamayaran king kasalanan.

2 Pedro 2:10

lalung-lalu na detang manusig king marinat nang buri ning laman at tatanggi king kayupayan na ning Dios. Mapangangas la at palalu deting e tutung talaturung sasabian ku. Ala lang pakundangan at kagalangan karing atyu banua, nune insultuan da la pa.

Ding Dalit 19:13

Iligtas me ining kekang talasuyu king kasalanan ning kapalaluan; e me paburen mag-ari iti kaku, kanita maging lubus kung alang kapintasan; alang mantsa ning mabayat a kasalanan.

2 Ari 11:15

Nganang minutus ning paring i Jeoiada karing opisyal a ating tia dinalan a sundalus, Ilual ye ing babaing ita king pilatan da ring aduang hilera da ring guardia, at paten ya ing ninumang magtangkang magligtas kang Atalia. Sinabi nang Jeoiada ita uling e ne buring paten da i Atalia king kilub ning Templo.

2 Samuel 3:27

Inyang adala da ne i Abner king Hebron, tiki neng Joab ketang lele ning pasbul dalan at kunwari neng lihim pakisabian. At siksak ne atian king pataram bilang pamanablas king pamakamate a depat nang Abner kang Asael a kapatad nang Joab. Mete ya i Abner.

Deuteronomio 27:24

Isumpa ya ing ninuman king lihim makamate kalupa nang tau. At ding sablang tau makibat la, Amen!

Deuteronomio 18:22

Oyni ing pakibat, Nung e mepalyari o e mipaltutu ing sinabi na ning propeta king lagyu na ning Ginu, iti e ibat king Ginu. King sarili na mu ibat. Inya e ye sukat pakiramdaman ing propetang makanyan.

Deuteronomio 1:43

Inya migsalita ku kekayu, oneng e yu ku buring pakiramdaman. Selangsangan yu ing utus ning Ginu at atna kayung kayabang sinalake king bulubundukan a lugal.

Exodo 21:15

Paten ya ing ninumang dugpa gamat kang tata na o kang ima na.

Ding Bilang 35:16

Nung mimua ya ing ninuman at king mua na pelupalu ne king bakal o batu o dutung ing kamuan na at apate ne, mikasala yang pamakamate at sukat yang paten ing mekapate.

Ding Kasebian 28:17

Ing taung mekamate kalupa nang tau kukulkulan ne ing sarili nang kutkutan at e ya sukat saupan.