Exodo 20:8 - Ing Mayap a Balita Biblia

⁸ Igalang ye ing Aldo ning Sabbath at ipangiling ye.

Exodo 20:8 Iomraidhean Croise

Genesis 2:2

Ayari na ning Dios ing dapat na kilub ding anam a aldo, at kaybat pepaynawa ya king kapitung aldo king sablang bage depat na.

Genesis 2:3

Binendisyunan ne ing kapitung aldo at gewa neng banal, uling king aldong ita ya pepaynawa king heganaganang dapat na king pamaglalang.

Nehemias 13:15

King panaun a ita, ikit ku la ring lalaki na ning Juda a kakuang katas karing ubas king Aldo ning Sabbath. Titipunan da ring aliwa at kakarga karing asno ra ing karelang pupul a binutil, alak, ubas, bungang higera at miyayaliwa pa, at kaybat darala da king Jerusalem agyang king Aldo ning Sabbath. Belan ku la king e ra pisasali iti king Aldo ning Sabbath.

Nehemias 9:14

Pepabalu mu karela king ing Aldo ning Sabbath sukat deng pangilinan, at king kapamilatan ning talasuyu mung i Moises ding kekang tuntunan at kautusan karela binie mu la.

Exodo 23:12

Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

Exodo 31:12

Sinabi na ning Ginu kang Moises

Exodo 35:1

Inaus na lang mitipun Moises ding memalen na ning Israel. Kaybat, nganang migsalita, Ila deti ring miyayaliwang bage a inutus na ning Ginu ban daptan yu:

Isaias 56:2

Bendisyunan ku la detang parating mangiling at gagalang king Aldo ning Sabbath. Bendisyunan ku la ding e darapat nanumang e mayap.

Isaias 58:13

Ngana ning Ginu, Nung kilalanan yeng banal ing Aldo ning Sabbath at nung tuknangan yung panintunan ing sarili yung kapakanan king aldong iti; nung pakamalan ye ing kanakung banal a aldo at nung galangan ye king kapamilatan na ning e yu pamaglakbe, pamagobra o king pamakipagkwentung alang kapupuntalan,

Jeremias 17:21

Sabian mu karela king ingatan da ing bie ra, king e la sukat magdalang nanumang karga king Aldo ning Sabbath; e la sukat magdalang nanumang bage neng daralan la karing pasbul na ning Jerusalem

Jeremias 17:22

o magdalang nanumang bage ibat karing pibalebale ra neng Aldo ning Sabbath. E la sukat magobra neng Aldo ning Sabbath; sukat deng pagselebran bilang aldo banal, antimo ing inutus ku karing makatua da.

Jeremias 17:24

Sabian mu kareting tau king sukat da lang tuparan ding sabla kung kautusan. E la sukat magdalang nanumang karga neng daralan la karing pasbul dalan ning siudad neng Aldo ning Sabbath. Sukat deng pagselebran ing Aldo ning Sabbath bilang aldo banal at e la sukat bitasang magobra.

Ezekiel 20:20

Gawan yeng banal ing Aldo ning Sabbath ban maging tanda ne ning kasunduan tamu at ban ipaganaka na kekayu king aku ing Ginung kekayung Dios.

Levitico 19:3

Igalang la ding pengari yu at ipangiling ya ing Aldo ning Sabbath. Aku ing Ginung kekayung Dios.

Levitico 19:30

Pangilinan ye ing Aldo ning Sabbath at igalang ye ing lugal nung nu ra ku sasamban ding tau. Aku ing Ginu.

Levitico 23:3

Atin kayung anam a aldo ban gawan ing obra yu, oneng ing kapitung aldo, ing Aldo ning Sabbath, ya ing aldo ning pamagpaynawa. E kayu magobra king aldong iti; mitipun kayu ban samba nu kayu man karin. Kanaku ya ing Aldo ning Sabbath; aku ing Ginu.

Levitico 26:2

Tuparan yu la ring aldo pangilinan at igalang ing lugal nung nu ku misasamban. Aku ing Ginu.

Ding Bilang 15:32

Inyang atyu la king ilang ding memalen na ning Israel, atin lang ikit a taung maniutung king Aldo ning Sabbath.

Deuteronomio 5:12

Ipangiling ye ing Aldo ning Sabbath, antimo ing inutus ku na kekayu.