Exodo 20:7 - Ing Mayap a Balita Biblia

⁷ E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Exodo 20:7 Iomraidhean Croise

Genesis 27:20

Oneng kitang nang Isaac, Kalagua mu namang mekarakap king pamitan ko? Sinaupan na ku ning Ginung kekayung Dios, nganang mekibat Jacob.

1 Ari 2:9

E mu sa paintulut ing e ya miparusan. Biasa ka at balu mu na ing gawan mu kang Simei. Siguraduan mung magdusa yang kamatayan.

2 Ari 5:20

nganang Gehazi, ing kasaup nang Eliseo, Kaganaka na naman ning panginuan ku kang Naaman. E na tinggap ing babie na. Daramdaman na ku ning mabie Ginu, tagalan ke i Naaman at maniawad ku agyang nanu mu.

Ding Dalit 139:20

Ding taung deti e mayap ing sasabian da tungkul keka; magsalita lang e mayap a bage laban king lagyu mu.

Ding Kasebian 30:9

Malyaring kakung sabian ing e ra ka balu o e ra ka kailangan, nung sobra ing babie mu kaku. Malyaring manako ku, nung mamulubi ku at layun kang malapastangan, O kakung Dios.

Jeremias 34:16

Oneng pasibayu kayung migbayu isip at lepastangan yu ku. Kinua yu lang pasibayu ding ipus a binulus yu at pinilit yu lang gewang pasibayung ipus.

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Ezekiel 39:7

Pakasiguraduan ku king ing kanakung balen Israel akilala ne ing banal kung lagyu, at e ku na paintulut ing malapastangan ya ing lagyu ku. Kanita ra akilala ding bansa king aku, ing Ginu, ing banal nang Dios ning Israel.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

2 Corinto 1:23

Saksi ke ing Dios, balu na ing makalaman king pusu ku! E ku pepaindalan ken uling ikayu munaman ding intindian ku.

Deuteronomio 10:20

Pitakutan ye at galangan ing Ginung kekayung Dios; suyuan ye at maging tapat kayu king Dios. Bukud mung king lagyu na karin kayu gawang kapangakuan.

Deuteronomio 5:11

E ye gagamitan ing lagyu ku, ing Ginung kekong Dios, king alang kabaldugan. E ke ipanupaya ing ninumang lapastangan king lagyu ku.

Deuteronomio 6:13

Sukat kayung tumakut at gumalang king Ginung kekayung Dios at suyuan ye. Bukud mung king lagyu na karin kayu mangaku.

Santiago 5:12

Kapatad, maygit king sabla e kayu susumpa neng mangaku kayu; e kayu pasaksi king banua o king yatu o king nanuman. Sabian yu, Wa, nung wa ing buri yung sabian, at Ali, nung ali, ban e na kayu atulan ning Dios.

Josue 2:12

At ngeni isumpa yu king Ginung kekayung Dios ing maging maganaka kayu karing pamilya ku antimo nung makananu kung pepakit ganaka kekayu, at dinan yu kung metung a tanda king ayasahan da kayu.

Josue 2:17

Ngara ding lalaki, Tuparan mi ing pangaku mi a inawad mu kekami.

Josue 9:20

Paburen ta lang mie uli na ning pangaku tamu; nung ali parusan na katamu ning Dios.