Exodo 20:6 - Ing Mayap a Balita Biblia

⁶ Oneng papakit ku ing lugud ku karing libu-libung lahi ra a malugud kanaku at mamintu karing utus ku.

Exodo 20:6 Iomraidhean Croise

Nehemias 1:5

Ngaku, O Ginung Dios ning Banua, mayupaya ka at gagalgal kami king kekang arapan. Tutuparan mu ing kekang pangaku karetang malugud keka at tutupad karing utus mu.

Ding Dalit 103:17

Oneng ing lugud ning Ginu karing malugud at ating takut manatili angga king alang angga; ing lugud na mamabut karing anak da ring anak da.

Exodo 34:7

Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Ding Kasebian 3:1

Anak ko, e mu la kakalinguan ding tuturu ku keka; e mu la kakalinguan tutuparan ding kakung kautusan

Jeremias 32:18

Pepakit mu ing lugud mung e kukupas karing libu-libung tau, oneng paparusan mu la naman uli da ring kasalanan ding pengari da. Metung kang maragul at mayupayang Dios; ika ing Ginung Mayupaya.

Daniel 9:4

Menalangin ku king Ginung kanakung Dios at kilala ku la king arapan na ding kasalanan da ring kabalen ku. Ngaku, Ginung Dios, mitmu kang dangalan at ikami gagalangan da ka. Tapat ka king kasunduan mu at papakit kang lugud a e kukupas karetang malugud keka at tutupad karing kekang kautusan.

Ding Bilang 14:18

E ku agad mimimua, ing Ginu, at labis-labis ampon e kukupas ing lugud ku; patawaran ku ing kasalanan at ing kapanialangsangan. E ku la payalang sala ding mikasalang pengari at parusan ku la ding anak da angga king katlu at kapat a lahi.

Juan 14:15

Nung kaluguran yu ku, pamintuan yu la ding utus ku.

Juan 14:21

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Ding Dapat 2:39

Uling ing pengaku na ning Dios para kekayu ya at para karing kekayung anak at para karing sablang atyu king marayu, ding sablang ausan nang lumapit keya ning Ginu tamung Dios.

Deuteronomio 4:37

Uli na ning lugud na karing makatua yu, pinili na kayu at king kapamilatan na ning maragul nang upaya liwal na kayu king Ehipto.

Deuteronomio 5:29

Sana manatili ing takut da't kagalangan kanaku at parati da lang pamintuan ding sablang utus ku ban mipakayap la at ding anak da king kapilan pa man.

Deuteronomio 7:9

E yu sana kakalinguan king ing Ginung kekayung Dios ya ing bukud mung Dios at tapat ya. Tune neng tuparan ing pangaku na at parala na ing lugud nang e kukupas karing libu-libung lahi a malugud at mamintu karing utus na,

Santiago 1:12

Mapalad ya ing taung manatiling tapat king oras na ning kapagsubukan. Uling nung magtagumpe ya king kapagsubukan, tanggapan ne ing korona. Iti ya ing bie a pengaku na ning Dios karing malugud keya.

1 Juan 4:19

Lulugud tamu uling minuna na katamung liguran ning Dios.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

2 Juan 1:6

At iti ya ing kabaldugan na ning lugud a sasabian ku: mibiebie tamu karing kautusan na ning Dios. Ing kautusan a miyabie keta pang minuna ya pin iti: mibiebie tamu king lugud.