Exodo 20:5 - Ing Mayap a Balita Biblia

⁵ E kayu duruku karing idolo o sasamba kareti, uling aku, ing Ginung kekayung Dios, Dios kung mapangalalu. Parusan ku la detang masama kanaku, at pati na ding lahi ra angga na karing apu ra at apu king tud.

Exodo 20:5 Iomraidhean Croise

2 Samuel 21:1

King panaun na ning pamag-ari nang David, mika maragul a danup king Israel kilub ding atlung banua. Inya sinanggunian ne ing Ginu. At ngana ning Ginu kang David, Mikasala yang pamakamate tau i Saul at ing pamilya na uling pepapate na la ring tau Gibeon. (

2 Samuel 21:6

Paintulut yung miyabie la kekami ding pitung lalaking lahi nang Saul, at ibigti mi la king arapan na ning Ginu karin king Gibea, ing balen nang Saul a pinili nang ari ning Ginu. Ngana ning ari, Ibie ku la kekayu.

1 Ari 19:10

Nganang mekibat, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

1 Ari 21:29

E me apansinan nung makananu yang migpakumbaba kanaku i Ahab? Anti na ning migpakumbaba ya, e ku ibalaus ing kasiran kabang mabie ya; datang mu ing kasiran king pamilya na king panaun na ning anak nang lalaki.

2 Ari 17:35

Ginawa yang kasunduan karela ing Ginu at nganang minutus karela, E kayu sasamba karing aliwang dios o duruku karela o susuyu karela o babie ain karela.

2 Ari 17:41

Sasamba la pin king Ginu, oneng susuyu la naman karing gewa rang idolo. Makanyan munaman ing gagawan da ring anak da ring anak da angga man ngeni.

2 Ari 23:26

Oneng mibubua angga ngeni ing mua ning Ginu laban king Juda uli na ning gewa nang Aring Manase.

2 Ari 5:18

Sana patawaran na ku ning Ginu neng antabayanan ke ing kanakung ari neng sasamba ya king templo nang Rimmon, ing kikilalanan nang dios ning Siria. Patawaran na ku sana ning Ginu neng makatalan ya kanaku ing ari at sasamba ku king templo nang Rimmon.

2 Ari 5:27

Inya milipat keka ing lepra nang Naaman at karing maging lahi mu king kapilan man. Mikasakit yang lepra i Gehazi; maputi yang anting yelu ing balat na inyang meko ya king arapan nang Eliseo.

2 Cronica 25:14

Kaybat na lang simbut at pete Amazia at ding sundalus na ding Edomita, minuli la at dela na lang Amazia ding rebultu ra; simban na la at dinuluk yang insenso para karela.

2 Cronica 7:19

Nung e kayu manatiling tapat kanaku at e mamintu karing kautusan ku at sumuyu at samba karing aliwang dios,

Job 21:19

Sasabian yu king parusan ne ning Dios ing anak uli ding kasalanan ding pengari na. Ali! Paburen mung parusan ne ning Dios ing mikasala; paburen mung ipakit na king ita gewa na uli ding kasalanan da.

Job 5:4

E na la manakit pang karatunan ding anak nang lalaki; ala mang karela talakad magdipensa arap ding ukuman.

Ding Dalit 109:14

Ing kasalanan ding makatua na ing Ginu e no sa kalinguan; at ing pamikasala nang ima na e sa makalinguan kapilan man!

Ding Dalit 78:58

Pepamua re ing Dios karing santuaryung telakad da para karing karelang idolo, peparatangan de pangalalu karing dios-diosan a karelang simban.

Ding Dalit 79:8

E mu ke paparusan uli ding kasalanan ding kekeng makatua; lunus mu kekami ibie mu ngening ala na keng kapanayan.

Ding Dalit 81:15

Galgal la at duku ding sablang kaku masama, at magdusa lang alang angga.

Exodo 23:24

E kayu duruku karing kikilalanan dang dios at e kayu sasamba karela, at e kayu makiapus king daraptan da. Lasakan yu lang lubus ding kikilalanan dang dios at durugan ding asias a batu a sasamban da.

Exodo 34:14

E kayu sasamba king isanu pa mang kikilalanan dang dios, uling aku, ing Ginu, Dios kung mapangalalu, at ing lagyu ku Mapangalalu.

Ding Kasebian 8:36

Oneng ing taung kaku e makatuklas, ing sarili na yang panasakitan na; detang kaku mimimua, ing kamatayan ya ing kaburian da.

Isaias 44:15

Gagamitan ne ning tau ing kapirasung dutung antimong panangab, gawan neng idolo ing aliwang dake. Gagamitan ne ing aliwang kapirasu ban mikapali ya ing bale na king panaun na ning dimla at ban paglutung tinape. Gagawan neng dios ing aliwa namang kapirasung dutung ban samban na.

Isaias 44:19

Ala yang beluan o tetagan lub ing gagawa karing idolo ban sabian na, Penangab ku ing mapilan a kapirasu ning dutung. Miglutu kung tinape king uling at mignangnang karni at pengan ku. At gewa keng idolo ing aliwang mitagan king dutung. Ngeni, oyni durukuan ke ing kapirasung dutung!

Jeremias 2:9

Inya aku, ing Ginu, iyarap keng pasibayu ing dalum ku laban karing taung kakung pinili. Angga na karing anak da ring anak da.

Jeremias 32:18

Pepakit mu ing lugud mung e kukupas karing libu-libung tau, oneng paparusan mu la naman uli da ring kasalanan ding pengari da. Metung kang maragul at mayupayang Dios; ika ing Ginung Mayupaya.

Ezekiel 18:19

Oneng ikayu kukutang yu: Baket e ya sukat magdusa ing anak king kasalanan nang tata na? Iti ya ing pakibat: Uling depat ning anak itang matulid at mayap. Pemintuan na la ding kautusan ku at tikian na lang mitmung kaingatan. Inya siguradu yang mie.

Ezekiel 18:2

Ngana, Nanu ya iting kasebian a ulit-ulitan dang sasabian ding tau king balen ning Israel? Pengan da la ring pengari ding maslam a ubas, oneng ding meliniu ipan ila ding anak.

Ezekiel 20:7

Inutus ku karela king iyugse da la ring makasumaming idolo a pakamalan da, at king e ra dirinatan ing sarili da karing e tutung dios ning Ehipto, uling aku ing Ginung karelang Dios.

Ezekiel 39:25

Ngana pa ning Ginung Dios, Oneng ngeni, malunus ku karing lahi nang Jacob, ding memalen na ning Israel, at gawan ku lang pasibayung mabandi. E ku na paintulut ing malapastangan ya ing lagyu ku.

Ezekiel 8:3

Inabut ne ing balamu gamat at sikmal na ku buak. Kanita king vision a iti, tinas na kung matas a matas ning espiritu na ning Dios at dela na ku Jerusalem. Dela na ku kilub ning pasbul dalan king dane norti ning Templo nung nukarin ating larawan a babie pamangalalu king Dios.

Daniel 1:2

Peintulut ning Ginu ing bihagan ne i Aring Jeoiakim ning Juda at kuanan ding mapilan nang kasangkapan ning Templo ning Dios. Tiki na lang migbalik kayabe na ding mapilan a bihag king templo da ring kikilalanan dang dios king Babilonia, at binili na la ding kasangkapan a ikua na king silid pisisinupan pibandian ning templo.

Daniel 3:18

Agyang e na gawan ita, asahan yu, Makamal a Ari, king e ke samba king kekayung dios at e kami duku king gintung estatuang kekayung pepagawa.

Levitico 20:5

aku mismu isakuil ke at ing pamilya na ampon ding sablang katubale na. Itiwalag ke pati na detang mekiabe king pamanyamba kang Molek.

Levitico 26:1

Ngana ning Ginu, E kayu gagawang idolo ni manalakad mang estatua, asias a batu o larawan a dinukit king batu para kekayu yang samban, uling aku ing Ginung kekayung Dios.

Levitico 26:29

angga king kanan yu la ding mismung sariling anak yu uli na ning danup yu.

Nahum 1:2

E na paintulut ning Ginung Dios ing mika karibal ya; paparusan na la detang sasalangsang king kaburian na. Ablasan na la uli ning mua na.

Ding Bilang 14:18

E ku agad mimimua, ing Ginu, at labis-labis ampon e kukupas ing lugud ku; patawaran ku ing kasalanan at ing kapanialangsangan. E ku la payalang sala ding mikasalang pengari at parusan ku la ding anak da angga king katlu at kapat a lahi.

Ding Bilang 14:33

Magdurut-durut la king ilang ding anak yu kilub ding apat apulung banua at dumalan lang kasakitan uli na ning keyalan yung katapatan kanaku. Miyangganan mu ing kasakitan yu potang mate ya ing katataulian a tau kekayu.

Ding Bilang 25:11

E na ku mua uli na ning depat nang Fineas a anak nang Eleazar at apu nang Aaron a pari, uling e na peintulut ing ating sambang aliwang dios subali kanaku. Inya e ku la pete king mua ku ring memalen na ning Israel.

Mateo 4:9

Ibie ku ngan keka ing sablang yan, nganang sinabi kang Jesus, nung siklaud ka king arapan ku at samban mu ku.

Juan 15:18

Nung kesaman na kayu ning yatu, sukat yung ganakan king minuna na na kung kesaman.

Juan 7:7

E na kayu pikasaman ning yatu, oneng kasaman na ku uling patutuan ku king ding dapat na marawak la.

Juan 9:2

Kitang da ring alagad na, Maestro, ninu ing makikasalanan king pangabait nang bulaging lalaking iti o ding pengari na?

Roma 1:30

king pamanyirang puri; kesaman de ing Dios, meging ala lang galang karing aliwa, mapagmatas, mayabang; e la patugut mimisip dewakan; mapaglaban la karing karelang pengari;

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

1 Corinto 10:22

Buri ta ya waring mangalalu ing Ginu? Mas masikan tamu pa wari kesa king Gino?

Deuteronomio 32:21

Pepangalaluan da ku inyang karela yang simban itang e naman dios; lalu kung mimua karing dakal dang idolo. Inya kaku na la namang papangalaluan, at pamuan king kapamilatan ning bansang mangmang.

Deuteronomio 32:41

ing kakung makintab a espada kaku yang itais, at ing hustisia kakung ipatupad. Parusan ku la ding kakung kalaban, at detang kaku mua kaku lang ablasan.

Deuteronomio 4:24

Uling mengari ya ing Ginung kekayung Dios king api a maglaklak, Dios yang mapangalalu.

Deuteronomio 5:10

Oneng papakit kung lugud a e kukupas karing libu-libung tau a malugud kanaku at mamintu karing utus ku.

Deuteronomio 5:9

E yu la durukuan ni susuyuan man, uling aku, ing Ginung kekong Dios, Dios kung mapangalalu at paparusan ku la ding anak da ring e tatanggap kanaku at pati na ding anak da angga na king katlu at kapat a lahi.

Deuteronomio 6:15

uling ing Ginung kekayung Dios a atyu libutad yu Dios yang mapangalalu; pota mimua ya at gisanan na kayung pamaten.

Deuteronomio 7:10

oneng anting ablas karela e ya mikakunung gisanan na lang paten detang masama.

Santiago 4:4

Taksil a tao! E yu wari balu king ding maki-kaluguran king yatu maging kalaban na la ning Dios? Inya, ninuman ing bisang maging kakaluguran na ning yatu gagawan neng kalaban na ning Dios ing sarili na.

Josue 23:16

Nung e ye tuparan ing kasunduan a yutus na kekayu ning Ginung kekayung Dios at nung sumuyu kayu at samba karing aliwang dios, kanita king mua na parusan na kayu at ala metung mang mitagan kekayu keting mayap a gabun a binie na kekayu.

Josue 23:7

at e kayu makisalamuha karing taung melakuan libutad yu o babanggit man king lagyu da ring karelang dios o gagamit karing lagyu ra king kekayung pamangaku o sasamba kareting kikilalanan dang dios o duruku arapan da.

Josue 24:19

Oneng nganang Josue karing memalen, E ye malyaring asuyuan ing Ginu, uling Dios yang banal at mapangalalu; e na la patawaran ding kekayung kasalanan

Ukum 2:19

Oneng kamate na ning ukum, agad lang magbalik ding memalen karing matua rang panugali, at ligpusan da la pa karawak ding tikian dang lahi. Sinuyu la at sinamba karing aliwang dios at king kesiasan da buntuk sindu ra ing karelang e mayap a dapat.