Exodo 20:4 - Ing Mayap a Balita Biblia

⁴ E kayu gagawang larawan para kekayu o nanumang kawangis ning nanumang atyu king banua, keti king yatu o king danuman king lalam ning yatu.

Exodo 20:4 Iomraidhean Croise

1 Ari 12:28

Kaybat nang pegaralan iting bage, pepagawa yang aduang torong gintu, at kaybat ngana karing memalen, Memalen ning Israel, magkakasakit kayung pupunta Jerusalem. Oreni ding dios a milual kekayu king Ehipto.

2 Ari 17:12

at sinuyu la karing idolo agyang bawal, agpang king inutus na karela ning Ginu.

2 Cronica 33:7

Kinua ne ing larawan a gewa na at kebit king Templo ning Dios, ing lugal nung nu na sinabi ning Dios kang David at kang Solomon a anak na, King Templong iti at keti Jerusalem a pinili ku karing sablang lugal a sakup da ring labing aduang tribu ning Israel karin yu ku samban king kapilan pa man.

Ding Dalit 78:58

Pepamua re ing Dios karing santuaryung telakad da para karing karelang idolo, peparatangan de pangalalu karing dios-diosan a karelang simban.

Ding Dalit 97:7

Mibili la king kamarinayan ding sablang sasamba karing idolo; detang magparangalan karing idolo dang alang kabaldugan. Ding sablang dios da duku la king arapan na.

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Exodo 32:23

Ngara kanaku, E tamu balu nung nanu na ing milyari kang Moises a milual kekatamu ibat Ehipto; inya mayap pa ing gawa kang dios a manimuna kekatamu.

Exodo 32:4

Tinggap na la ngan Aaron deti at linaso na la; tigtug na ing gintu king metung a moldi at ginawa yang metung a gintung toro. Ngarang sinabi ding tau, O Israel, oyan ing kekatamung dios a milual kekatamu king Ehipto!

Exodo 32:8

Kalalagua da ne mang gilutan ing dalan a tildu kung tuntunan da; ginawa lang metung a toro king gintung linaso ra, simban de at dininan ain-sakripisyu. Sasabian da king ita kanu ing dios da a milual karela king Ehipto.

Exodo 34:17

E kayu gagawang dios a bakal ban samban yu la.

Isaias 42:17

Ding sablang manalig karing idolo, ding mamaus dios karing larawan, mangapakarine la ngan at milako dangalan.

Isaias 42:8

Aku, ing Ginu, iti ya ing lagyu ku. Alang aliwang dios a malyaring makirake king kakung ligaya; e ku paintulut karing idolo ing makirake la king kakung kapurian.

Isaias 45:16

Detang sablang gagawang idolo mangapakarine la ngan; mibili la ngan king kabiguan.

Ezekiel 20:7

Inutus ku karela king iyugse da la ring makasumaming idolo a pakamalan da, at king e ra dirinatan ing sarili da karing e tutung dios ning Ehipto, uling aku ing Ginung karelang Dios.

Ezekiel 8:10

Inya linub ku at linawe. Mitmu la ding pader karing larawan da ring ubingan at aliwang e malinis a animal at karing aliwa pang bage a sasamban da ring Israelita.

Ezekiel 8:3

Inabut ne ing balamu gamat at sikmal na ku buak. Kanita king vision a iti, tinas na kung matas a matas ning espiritu na ning Dios at dela na ku Jerusalem. Dela na ku kilub ning pasbul dalan king dane norti ning Templo nung nukarin ating larawan a babie pamangalalu king Dios.

Levitico 19:4

E kayu susuyu karing kikilalanan dang dios ni gagawang idolo ban samban. Aku ing Ginung kekayung Dios.

Levitico 26:1

Ngana ning Ginu, E kayu gagawang idolo ni manalakad mang estatua, asias a batu o larawan a dinukit king batu para kekayu yang samban, uling aku ing Ginung kekayung Dios.

Ding Bilang 12:8

Makipagsalita ku kang Moises arap-arapan, tapatan, at e king malabug a pamakipagsalita. Ikit na ing itsura ku. Inya ala kayung matulid magsalitang laban king talasuyu kung i Moises.

Ding Dapat 17:29

Anti na ning anak na katamu ngan ning Dios, ala tamung matulid misip king ing kadiosan na kalupa na ning isanu mang megawa king gintu, pilak, at batu a inubug na ning gelingan na pangamat at pandukit ning tau.

Roma 1:23

Lugal king samban de ing Dios a alang kamatayan, sasamba la karing larawan da ring taung ating kamatayan o ding larawan da ring ayup o ding animal o ding lelangan a gagapang.

Deuteronomio 16:22

E kayu naman mitatalakad asias a batu uling ing anti kaniti kasusumamian na ning Ginung kekayung Dios.

Deuteronomio 27:15

Isumpa ya ing ninumang gagawang larawan o idolo, ing bage a makasumami king Ginu, at kaybat tatalakad ne king makasalikut a lugal. At ding sablang tau makibat la, Amen!

Deuteronomio 5:8

E kayu gagawa para kekayu larawan a dinukit a kawangis ning nanumang atyu banua o ning keti king yatu o king danuman lalam na ning yatu.

Kapahayagan 16:2

Meko ya ing mumunang anghel at tigtug na king yatu ing laman na ning silyo na. Mika kaplas la at makapandiring sugat ding taung ating tatak ning animal a mabagsik at ding sinamba king larawan na.

Kapahayagan 9:20

E la sinisi ding mitagan karing taung e mete karing salut. E la ginulut king mismung dapat da. Sindu ra mu rin ing pamanyamba ra karing demonyu at karing larawan a gintu, pilak, tangsu, batu, at tanaman a e naman manakit ni makaramdam o makalakad.

Ukum 17:3

Sibli na la kang ima na ding libu dinalan a pirasung salaping pilak at nganang ima na, Ban e dugpa king anak ku ing sumpa, aku mismu tatalaga ku la ding salaping pilak king Ginu. Magamit la king pangagawa na ning metung a idolong dutung a binalut king pilak. Inya ngeni susubli ku la keka ding pirasung salaping pilak.