Exodo 20:3 - Ing Mayap a Balita Biblia

³ E kayu mikaka aliwang dios subali kanaku.

Exodo 20:3 Iomraidhean Croise

1 Ari 11:4

Inyang matua ne ikua reng ayagkat samba karing dios a kikilalanan da reting babaing dayuan. E ya meging tapat king Ginung Dios na; e ne kaugali i David a tata na.

Ding Dalit 29:2

Lagyu nang marangal sukat yeng parangalan; ing Ginu kekayu yang samban potang pakit nang kabanalan na.

Ding Dalit 73:25

Ninu mo ing asahan ku banua nung e mu ika? At keti king yatu neng kayabe da ka ala na kung aliwang panintunan pa.

Ding Dalit 81:10

Aku ing Ginung kekang Dios a midala keti keka ibat Ehipto. Ibuklat me ing kekang asbuk at kaku yang subuanan.

Ding Dalit 81:9

E ka mikaka aliwang dios subali kaku; e me sasamban ing dios-diosan da ring taung dayuan.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 22:19

Paten ya ing ninumang lalaking mekipangatawan king metung a animal.

Exodo 23:24

E kayu duruku karing kikilalanan dang dios at e kayu sasamba karela, at e kayu makiapus king daraptan da. Lasakan yu lang lubus ding kikilalanan dang dios at durugan ding asias a batu a sasamban da.

Exodo 32:8

Kalalagua da ne mang gilutan ing dalan a tildu kung tuntunan da; ginawa lang metung a toro king gintung linaso ra, simban de at dininan ain-sakripisyu. Sasabian da king ita kanu ing dios da a milual karela king Ehipto.

Exodo 34:14

E kayu sasamba king isanu pa mang kikilalanan dang dios, uling aku, ing Ginu, Dios kung mapangalalu, at ing lagyu ku Mapangalalu.

Isaias 26:4

Manalig kayu king Ginu king kapilan pa man; ya ing mimingat parati kekatamu ngan.

Isaias 42:8

Aku, ing Ginu, iti ya ing lagyu ku. Alang aliwang dios a malyaring makirake king kakung ligaya; e ku paintulut karing idolo ing makirake la king kakung kapurian.

Isaias 43:10

Memalen ning Israel, ikayu ding kakung testigu; pinili da kayu ban maging kakung talasuyu, ban akilala yu ku at kaku maniwala kayu, at ban kekong aintindian king aku mung bukud ing Dios. Ala nang aliwa pa subali kaku; alang dios a minuna kaku ni datang kaybat ku.

Isaias 44:8

E kayu tatakut, O memalen ku! Balu yu manibat na king minunang panaun angga na ngeni king sinabi kung makapauna ing sablang bage mapalyari, at ikayu ding kakung testigu! Atin pa waring aliwang dios? Atin pa waring aliwang mayupayang dios subali kako?

Isaias 46:9

E yu sa kakalinguan itang mepalyari king milabasan; tanggapan yu king aku mung bukud ing Dios, at ala nang aliwa pang kalupa ku.

Jeremias 25:6

Sinabi da kekayu king e kayu sasamba at susuyu karing aliwang dios, at e ye pamuan ing Ginu king kapamilatan na ning pamanyamba yu karing idolong kekayung gewa. E na kayu sana perusan nung pemintuan ye ing Ginu.

Jeremias 35:15

Sindu ku ing pamitubud karing talasuyu kung propeta, at sinabi da kekayu king patugut na kayung darapat e mayap at dapat king matulid. Belan da kayu king e kayu sasamba ni susuyu karing aliwang dios ban makapanatili kayung manuknangan king bansa a binie ku kekayu at karing makatua yu. Oneng e yu ku buring pakiramdaman ni babie man pansin kanaku.

Jeremias 7:9

Manako kayu, makamate kayung kalupang tau, makipangalugud kayu, magsalita kayung kalaraman, babie kayung ain-sakripisyu kang Baal, at sasamba kayung aliwang dios a e yu balu.

Daniel 3:18

Agyang e na gawan ita, asahan yu, Makamal a Ari, king e ke samba king kekayung dios at e kami duku king gintung estatuang kekayung pepagawa.

Hosea 13:4

Nganang sasabi ning Ginu, Aku ing Ginung kekayung Dios a milual kekayu ibat king Ehipto. Ala kayung aliwang Dios nung e mu aku. Aku mu ing bukud yung talapagligtas.

Mateo 4:10

Pekibat nang Jesus, Mabating ka, Satanas! Uling ing kasulatan sasabian na, Samban me ing Ginung kekang Dios at ya mung bukud ing kekang suyuan.

1 Corinto 8:4

Ngeni ing tungkul king pamangan a miyain karing idolo. Balu tamu king ing idolo makabasi ya king bage a e katutuan; balu tamu king atin mung metung a Dios.

1 Corinto 8:6

makanyan man para kekatamu atin mung metung a Dios, ing Ibpa a linalang king sablang bage. Mabibie tamu para keya at atin tamung metung a Ginu, i Jesu-Cristo. King kapamilatan na, ding sablang bage melalang la at king uli na mabibie tamu.

Efeso 5:5

Balu yu king ala lang dake king Kayarian nang Cristo at ning Dios ding taung makipangalugud, ding marinat a pamibiebie o sakim, uling ing kasakiman anti ya namang pamanyambang idolo.

Deuteronomio 5:7

E kayu mikaka aliwang dios subali kanaku.

Deuteronomio 6:14

E kayu sasamba karing kikilalanan dang dios ding taung makapaligid kekayu,

Deuteronomio 6:5

Luguran ye ing Ginung kekayung Dios king mabilug yung pusu, king mabilug yung kaladua, at king mabilug yung sikanan.

Filipos 3:19

Deti pawa la ngang papunta king impierno, uling ing karelang atian ya ing gagawan dang dios da. Pagmaragul da pa itang sukat da sanang pikarine. Ing bukud mung maulaga karela ila ding miyayaliwang bage keti king yatu.

Colosas 2:18

E yu paintulut ing atake na kayu ning ninumang sasabing atin yang matas a upaya kekayu uli da ring e karaniwan a vision a ikit na, at pipilit na ing maling kapakumbaban ampon ing pamanyamba karing anghel. Ing taung anti kaniti, kabud nia pairagul a buntuk king sarili nang pamagbibiasa.

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.

Kapahayagan 22:9

Oneng sinabi na, E mu sukat gawan yan! Uling talasuyu kung kalupa mu at kalupa da ring kapatad mung propeta at ding sablang tutupad karing amanung atyu keting libru. Ing Dios ya ing samban mu!

Ukum 6:10

Sinabi ku kekayu king aku ing Ginu, ing kekayung Dios, at king e yu la sasamban ding kikilalanan dang dios da ring Amoreo a ing gabun da ya ngeni ing tuknangan yu. Oneng e kayu mekiramdam kanaku.