Exodo 20:21 - Ing Mayap a Balita Biblia

²¹ Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Exodo 20:21 Iomraidhean Croise

1 Ari 8:12

Kanita nganang menalangin Solomon: O Ginu, ika ing mibili king aldo king banua, oneng pinili mu ing manuknangan ka king bigang makapal at king karalumduman.

2 Cronica 6:1

Kaybat na nita, nganang menalangin Aring Solomon, Ginu, sinabi mu ing manuknangan ka king makapal a biga.

Ding Dalit 104:2

Makabalabal ka king sala! Laladlad me ing banua anting tolda,

Ding Dalit 18:12

At ing kildap linto arap na, lipat a mangaragul ampon mapaling baya.

Ding Dalit 18:9

Pininpin ne ing banua at saka ya tinipa, king makapal a ulap karin la makatuklu ding bitis na.

Ding Dalit 97:2

Ing biga at dalumdum makapatulug king Ginu; manalumpakan king kabanalan at alang pamangabiran ing pamag-ari na.

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Deuteronomio 5:22

Ila deti ring kautusan a sinabi na kekayu ning Ginu inyang mitipun kayu karin king bunduk kabang migsalita ya king masikan a siwala libutad na ning api, ning lulam at makapal a dalumdum. Ala neng digdag at sinulat na la karing aduang tinabas a batu at kaybat binie na la kanaku.

Deuteronomio 5:5

kabang makatalakad ku kanita king pilatan yu at ning Ginu ban sabian kekayu itang sinabi na uli na ning tatakut kayu king api at e kayu malyaring mukiat king bunduk. Nganang sinabi ning Ginu,

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.