Exodo 20:2 - Ing Mayap a Balita Biblia

² Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 20:2 Iomraidhean Croise

1 Ari 18:39

Inyang ikit da ring tau iti, migsakab la king gabun at ngarang migsalitang masikan, Ing Ginu Dios ya; bukud mung ing Ginu ya ing Dios!

2 Ari 17:12

at sinuyu la karing idolo agyang bawal, agpang king inutus na karela ning Ginu.

2 Ari 17:7

Milyari iti karing Israelita uling mikasala la king Ginu karelang Dios, ing milual karela king upaya na ning ari ning Ehipto. Sinamba la karing aliwang kikilalanan dang dios,

2 Cronica 28:5

Mimua ya ing Dios kang Aring Ahaz uli na ning depat na, inya peintulut na ning Ginung Dios ing mesambut ya king ari ning Siria. Dakal la ding mebihag karing memalen na at midala la king Damasco. Linusub ya naman at simbut ne ning ari ning Israel a mekamate karing dakal nang sundalus.

Ding Dalit 50:7

Memalen ku, makiramdam kayu, uling magsalita ku; Israel, laban keka munie kung patutu, uling aku ing Dios, ing kekang Dios.

Ding Dalit 81:10

Aku ing Ginung kekang Dios a midala keti keka ibat Ehipto. Ibuklat me ing kekang asbuk at kaku yang subuanan.

Ding Dalit 81:11

Oneng ing balen ku e ya mekiramdam kaku, ing Israel e ya bisang mamintu.

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 15:13

Kekang pengaku kekang tutuparan, inya ing balen a kekang segipan keka yang pitnubayan, at linub king bansa mung banal.

Exodo 15:16

Ing takut at galgal karela ngan digpa. O Ginu, kekang sikanan ikit da, at e la makakimut king takut da; anggang ing balen mu e ra ikuang linabas king arapan da balen a kinabus mu king panga-ipus na.

Exodo 15:26

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing Ginu, ing babie kapaldanan kekayu.

Exodo 20:1

Migsalita ya ing Dios at ila deti ring amanu na:

Exodo 29:46

Abalu ra kanita king aku ing Ginung karelang Dios a milual karela karin Ehipto ban akua kung makapanuknangan kayabe ra. Aku ing Ginung karelang Dios.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Isaias 43:3

Uling aku ing Ginung kekang Dios, ing banal a Dios ning Israel, ing magligtas keka. E bala nung ing Ehipto kaku mawala ya, maging malaya ka sana. E bala ing mawala ya kaku ing Etiopia at ing Seba.

Jeremias 16:14

Ngana ning Ginu, Daratang ne ing aldo nung kapilan ding tau e na la sumpa kanaku, ing Dios a mabie a milual karing memalen na ning Israel karin king Ehipto.

Jeremias 2:6

E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 31:1

Ngana ning Ginu, Daratang ne ing panaun nung kapilan aku ing maging Dios da ring sablang lahi nang Israel at ila ding maging memalen ku.

Jeremias 31:33

Anti ya kaniti ing bayung kasunduan a gawan ku karing memalen ning Israel: Ibili ke ing kautusan ku king mabilug dang pangatau at isulat ke iti karing karelang pusu. Aku ing maging karelang Dios at ila naman ding maging memalen ku.

Jeremias 34:13

ing Dios ning Israel, sinabi na kanaku king sabian ku karing memalen ing anti kaniti: Ginawa kung kasunduan karing makatua yu inyang linigtas ku la king Ehipto at leko king panga-ipus. Sinabi ku karela king

Ezekiel 20:19

Aku ing Ginung kekayung Dios. Pamintuan yu la ding utus ku at ding kanakung tuntunan.

Ezekiel 20:5

Sabian mu karela ing sasabian ku. Minie kung pangaku karela kanitang pinili ke ing Israel. Pepakilala ku ing sarili ku karela karin king Ehipto at sinabi ku karela: Aku ing Ginung kekayung Dios.

Ezekiel 20:7

Inutus ku karela king iyugse da la ring makasumaming idolo a pakamalan da, at king e ra dirinatan ing sarili da karing e tutung dios ning Ehipto, uling aku ing Ginung karelang Dios.

Hosea 12:10

Migsalita ku karing propeta at dininan ku lang dakal a vision, at minie kung babala king balen ku king kapamilatan da ring propeta.

Hosea 13:4

Nganang sasabi ning Ginu, Aku ing Ginung kekayung Dios a milual kekayu ibat king Ehipto. Ala kayung aliwang Dios nung e mu aku. Aku mu ing bukud yung talapagligtas.

Levitico 11:45

Aku ing Ginu a milual kekayu ibat Ehipto ban aku ing maging Dios yu. Inya sukat kayung maging banal, uling aku banal ku.

Levitico 19:36

Gumamit kayu karing ustung paniukad, timbangan, at panakal. Aku ing Ginung kekayung Dios a milual kekayu king Ehipto.

Levitico 23:43

ban kanita abalu da ring anak yu king menuknangan la ding Israelita karing tolda inyang liwal ku la ibat Ehipto. Aku ing Ginu, ing kekayung Dios.

Levitico 25:38

Aku ing Ginung kekayung Dios a milual kekayu ibat Ehipto ban ibie kekayu ing gabun ning Canaan at ban aku ing maging Dios yu.

Levitico 25:42

Talasuyu ku la ding sablang Israelita at aku ing Ginung milual karela ibat king Ehipto. Inya e la sukat ipisaling anting ipus.

Levitico 25:55

Talasuyu ku la ring memalen na ning Israel, aku ing milual karela ibat Ehipto. E la sukat ma-ipus kabang-kaba. Aku ing Ginung kekayung Dios.

Levitico 26:1

Ngana ning Ginu, E kayu gagawang idolo ni manalakad mang estatua, asias a batu o larawan a dinukit king batu para kekayu yang samban, uling aku ing Ginung kekayung Dios.

Levitico 26:13

Aku ing Ginung kekayung Dios; aku ing milual kekayu ibat Ehipto ban e na kayu ma-ipus pang pasibayu karela. Pitlud ku la ding tanikalang bakal da kekayu; inya talakad kayung mitmung dangalan.

Amos 2:10

Leko da kang ibat Ehipto at seupan da ka king disyerto kilub ding apat apulung banua, at binie ku keka ing gabun ding Amoreo ban maging bandi mu.

Roma 10:12

Ala lang pamiyayaliwa ding Judio at ding paganu; ing Dios ya naman ing Ginu da ring sabla at labis-labis na lang bendisyunan ding sablang mamaus keya.

Roma 3:29

Pota galang naman ing Dios para karing Judio ya mo? E ria naman kaya Dios ding paganu? Wa, Dios dia naman ding paganu,

Deuteronomio 13:10

Basibasan yeng batu angga king mate ya, uling ginawa yang paralan ban alaut na kayu king Ginung kekayung Dios a milual at migligtas kekayu king pangayalipan karin king Ehipto.

Deuteronomio 15:15

E yu sa kakalinguan king meging ipus kayu naman karin king Ehipto, oneng gewa na kayung malaya ning Ginung kekayung Dios. Iti ing sangkan nung inya babie ke iting kautusan.

Deuteronomio 20:1

Potang lumual kayu ban makigera karing kalaban yu, e kayu sukat mitatakutan agyang pang akit yu lang mas dakal la ding karelang kabayu, ding karung panggera, at ding sundalus da, uling kayabe ye ing Ginung kekayung Dios, ing Dios a milual kekayu karin king Ehipto.

Deuteronomio 5:15

E yu sa kakalinguan king meging ipus kayu naman king Ehipto at aku, ing Ginung kekong Dios, linigtas da kayu karin king kapamilatan na ning kanakung upaya at sikanan. Inya inutus ku king ipangiling ye ing Aldo ning Sabbath.

Deuteronomio 5:6

Aku ing Ginung kekayung Dios, ing migligtas kekayu king pangayalipan karin king Ehipto.

Deuteronomio 7:8

Oneng tune kaluguran na kayu ning Ginu at buri na ing tuparan na itang pangaku a binie na karing makatua yu. Inya linigtas na kayu at leko king pangayalipan yu king ari na ning Ehipto king kapamilatan na ning upaya na.

Ukum 2:1

Menibat king Gilgal minta ya ing anghel ning Ginu king Bokim. At ngana karing Israelita, Liwal da kayu manibat Ehipto at dela ra kayu king gabun a pengaku ku karing makatua yu. Sinabi ku, E ke labagan kapilan man ing kasunduan ku kekayu.

Ukum 6:10

Sinabi ku kekayu king aku ing Ginu, ing kekayung Dios, at king e yu la sasamban ding kikilalanan dang dios da ring Amoreo a ing gabun da ya ngeni ing tuknangan yu. Oneng e kayu mekiramdam kanaku.