Exodo 20:16 - Ing Mayap a Balita Biblia

¹⁶ E kayu sasaksi king e katutuan laban king kenu man.

Exodo 20:16 Iomraidhean Croise

Ding Dalit 15:3

at e gagamit king dila na king kapanyiran; e gagawang makapanasakit king kakaluguran na, at e magsalitang kalaraman king kenu man.

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Ding Kasebian 10:18

Malaram ya ing taung misasalikut mua, at mangmang ya itang manyira king kalupa nang tau.

Ding Kasebian 11:13

Ala kang asalikut a lihim king taung madaldal, oneng king taung apagkatiwalan keyang ingatan.

Ding Kasebian 19:5

Ing maglaram arapan ning husgadu, siguradu yang miparusan at iti e na apangilagan.

Ding Kasebian 25:18

Ing taung magsalitang kalaraman king kalupa nang tau, makamate yang anti ing espada o ing pamalupalu o ing matilus a paslu.

Levitico 19:11

E kayu manako o mamirait o maglaram.

Levitico 19:16

E yu kakalat ing nanu pa mang e tutu tungkul king ninu pa man o magtestigu king e katutuan ban mipahamak ya. Aku ing Ginu.

Levitico 19:18

E kayu mamablas kaninu man ni tatanam samang lub. Luguran ye ing kalupa yung tau antimo ing pamaglugud yu king sarili yu. Aku ing Ginu.

Mateo 19:18

Isanung kautusan? nganang kinutang ning tau. Mekibat ya i Jesus, E ka makamate; e ka makipangalugud; e ka manako; e ka maglaram;

Lucas 3:14

Kitnan dia naman ding mapilan a sundalus. Ngara, Ikami naman, nanu ing kekeng sukat daptan? Pekibat na karela, E kayu kakuang salapi kaninu man king kapamilatan na ning puersa o king uli na ning pamamatakut. Managyu na kayu king sueldung tatanggapan yu.

Ding Dapat 6:13

Migdala lang taung malaram. Sinabi ra, Ala yang patugut magsalita ing taung ini laban king kekatamung banal a Templo at laban king Kautusan nang Moises.

Efeso 4:31

Ilako yu na ing nanumang mapait king lub yu, mua, at kasbu; tuknang na kayung mamulyo, maninsultu at magsalitang e mayap.

Deuteronomio 5:20

E kayu magtestigu king e katutuan laban king kalupa yung tau.

1 Timoteo 1:10

Megawa la munaman ding kautusan para karing taung makipangalugud, karing makipangatawan karing kalupa dang lalaki o babai, karing manguang tau, karing malaram, at mapamikudta o darapat aliwa pang salungat king mayap a doktrina.

2 Timoteo 3:3

Maging maimut la naman, alang lunus, mapanyirang puri, bugasuk, mabagsik, at pikakasaman da ing mayap.

Santiago 4:11

Kapatad, e kayu mipapanyira. Ing manyira king kapatad na o mamatul, sisiran ne at atulan ing mismung Kautusan. At nung atulan me ing Kautusan, mangabaldugan king e me tutuparan, nune atulan me.