Exodo 20:12 - Ing Mayap a Balita Biblia

¹² Igalang ye i tata yu at i ima yu ban kumaba ing bie yu king gabun a babie ku kekayu.

Exodo 20:12 Iomraidhean Croise

Genesis 48:12

Kanita leko na lang Jose king kandungan nang tata na at saka ya dinuku angga king ing lupa na tatagkil ya king gabun.

Genesis 50:12

Makanyan dang tiparan ding anak nang Jacob ing penabilin na karela.

1 Ari 2:19

Inya pintalan neng Batseba i Aring Solomon ban ipayabut na ing kayaduanan nang Adoniya. Inyang ikit neng Solomon i Batseba tinalakad ya at selubungan ne. Dinuku ya kang ima na at linukluk yang pasibayu king tronu na. Kaybat pepakua yang luklukan; binili re banda nang wanan at karin ne pepaluklukan i ima na.

2 Ari 2:12

Ikit nang Eliseo ing milyari at nganang kinulisak, Tatang! Tatang ko! Ding karwahe at ding pakakabayu ning Israel! At manibat na kanita e na ne ikit i Elias. Uli na ning kalungkutan, ginabak neng Eliseo ing imalan na at meging adua ya.

Exodo 21:15

Paten ya ing ninumang dugpa gamat kang tata na o kang ima na.

Exodo 21:17

Paten ya ing ninumang lapastangan kang tata na o kang ima na.

Ding Kasebian 15:5

E ustu ing e makiramdam king payu da ring matua mu; itang makiramdam tanggap yang kasaplalan.

Ding Kasebian 17:6

Ding apu ilang ligaya da ring makatua, at ing ligaya da ring penganak ila ding pengari da.

Ding Kasebian 20:20

Busal ning dalumdum matda ya ing sulu ning penganak a lapastangan karing pengari na.

Ding Kasebian 28:24

Itang sasabing Ing pamanako karing pengari e kasalanan kayabe da ne ding tulisan.

Ding Kasebian 3:16

Makabang bie ing babie na at saka pibandian ampon dangalan.

Ding Kasebian 30:11

Ating taung paniumpa da la ring karelang tata at e biasang pasalamat karing karelang ima.

Ding Kasebian 30:17

Ing anak a pisunusunu ne i tata na o maninsultu at e mamintu kang ima na sukat ing kanan de ring ayup a buitre at mata na awak panuktukan da la.

Jeremias 35:18

Kanita sinabi ku king pamilyang Recabita king ing Ginung Mayupaya, ing Dios ning Israel, sinabi na, Pamintuan yu ing utus a binie na kekayung Jonadab a makatua yu; tikian yu ngan ing tiru na kekayu, tiparan yu ngan ing bage inutus na kekayu.

Jeremias 35:7

Inutus na naman kekami ing e ke manalakad bale ni sarul gabun at e tanam ubas ni sali mang mulahan ubas. Inutus na king manatili kaming manuknangan karing tolda ban makapanatili keng manuknangan keting bansa bilang dayuan.

Ezekiel 22:7

Ala metung man king siudad a gagalang mo sa karing pengari na. Pamiraitnan mu la ding dayuan at sasamantalanan ding babaing mebalu at ding ulila.

Levitico 19:3

Igalang la ding pengari yu at ipangiling ya ing Aldo ning Sabbath. Aku ing Ginung kekayung Dios.

Levitico 19:32

Galangan yu la ding makatua at mika takut kayu at kagalangan kanaku, ing Ginu. Galangan yu la ding makatua...(19:32)

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Mateo 19:19

igalang me i tata mu at i ima mu; at luguran me ing kalupa mung tau antimo ing sarili mu.

Marcos 10:19

Balu mu la ding kautusan: E ka makamate; e ka makipangalugud; e ka manako; e ka maglaram; e ka mamirait; igalang me i tata mu at i ima mu.

Marcos 7:10

Uling inutus nang Moises, Igalang me i tata mu at i ima mu. Antimu rin, Ing ninumang magsalitang e mayap laban kang tata na o ima na, sukat yang ipapate.

Lucas 18:20

Balu mu la ding kautusan: E ka makipangalugud; e ka makamate; e ka manako; e ka sasaksi king e katutuan; igalang me i tatang mu at ima mu.

Efeso 5:21

Uli na ning kekayung pamangalang kang Cristo, pasakup yu ing sarili yu king metung at metung.

Deuteronomio 11:8

Inya sukat yu lang pamintuan ding sablang kautusan a sinabi ku ngeni kekayu ban mika sikanan kayung dalakit king ilug at bandian ing gabun a pupuntalan yu ngeni.

Deuteronomio 11:9

King anti kaniting paralan, manuknangan kayung maluat kaniting mataba at mayap a gabun a pengaku nang ibie ning Ginu karing makatua yu at karing maging lahi yu.

Deuteronomio 21:18

Nung ing metung a pengaring lalaki mikayanak yang lalaking pangane a masias a buntuk at mapaglaban, at e bisang mamintu kang tata na o kang ima na agyang pang barugan da ne,

Deuteronomio 25:15

Sukat kayung ating metung mung timbangan a ustu timbang at panakal a e kulang o sobra ban kumaba kayu bie king gabun a babie na kekayu ning Ginung kekayung Dios.

Deuteronomio 27:16

Isumpa ya ing taung alang galang kang tata na o ima na. At ding sablang tau makibat la, Amen!

Deuteronomio 32:47

Maulaga la deti at makataya ing bie yu kareti. Pamintuan yu la ban kumaba ing bie yu karin king gabun lipat ning Jordan a pupuntalan yu ban bandian.

Deuteronomio 4:26

Ausan ke ing banua at ing yatu ban magtestigu laban kekayu at e kayu magluat karin uling magisan kayung mate.

Deuteronomio 4:40

Inya pamintuan yu la ding utus na at tuntunan a sinabi ku kekayu ngening aldong iti ban mipakayap kayu at ding anak yu at manuknangan king kapilan pa man king gabun a babie na kekayu.

Deuteronomio 5:16

Igalang yu la ding pengari yu antimo ing inutus ku, ing Ginung kekong Dios, ban mipakayap kayu at manatiling manuknangan king gabun a babie ku kekayu.

Deuteronomio 5:33

Mibiebie kayu agpang king sablang inutus na ning Ginung kekatamung Dios ban mipakayap kayu at ban kumaba ing bie yu king gabun a kekayung bandian.

Deuteronomio 6:2

Binie na la ning Ginung Dios kekayu at karing anak yu ampon karing maging anak da ban mika takut kayu at kagalangan. Kumaba kayu bie, nung pamintuan yu la reti.

Colosas 3:20

Ikayung anak, maging mapamintu kayu karing pengari yu kapilan man, uling iti ya ing babie tula king Ginu.

Ruth 3:6

Inya minta ya i Ruth ketang lugal nung nu la dadara, at tiparan na ing sablang sinabi na ning katuangan na.

1 Samuel 22:3

Manibat karin minta ya i David king Mizpa ning Moab. Ngana king ari na ning Moab, Ipakisabi ku sanang mayap kekayu king tulutan yu lang manatiling kayabe yu i tata ku at ima ku anggang e ku pa balu ing kaburian na ning Dios para kanaku.