Exodo 20:11 - Ing Mayap a Balita Biblia

¹¹ Kilub ding anam a aldo, aku, ing Ginung kekayung Dios, lelangan ke ing yatu, ing banua, ding dagat, at ing sablang atyu kareti, oneng pepaynawa ku king kapitung aldo. Iti ing sangkan nung inya aku, ing Ginu, binendisyunan ke ing Aldo ning Sabbath at gewa keng banal.

Exodo 20:11 Iomraidhean Croise

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 1:31

Linawe na ning Dios ing sablang lelangan na, at ikit na king tune mayap. Miras ing bengi at dinatang ing abak. Ita ya ing kanam a aldo.

Exodo 31:17

Maging palatandanan yang alang kapupusan para kanaku at karing memalen na ning Israel, uling aku, ing Ginu, lelang ke ing banua at ing yatu kilub ding anam a aldo, pero tinuknang kung megobra king kapitung aldo at migpaynawa ku.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 9:29

Nganang Moises, Kabud ikua kung mekalual king siudad, itas ku la ding gamat ku at manalangin ku king Ginu. Tuknang ing duldul at mawala na ing uran-lipat ban kanita abalu yu king bandi ne ning Ginu ing yatu.

Isaias 42:10

Magkanta kayung bayung kanta king Ginu; ing kapurian na ikanta yu king yatu! Purian ye, ikong maglayag king dagat; purian ye, ikong sablang lelangan a atyu king danuman! Magkanta kayu, ikong marayung pulu at ikong sablang manuknangan ken!

Isaias 48:13

Ding mibili karing pundasyun na ning yatu ila ding kakung gamat, at karing banua ilang miladlad. Potang ausan ke ing yatu at ing banua, agad-agad datang la at karelang sarili iyarap da.

Ding Dapat 14:15

Kakaluguran, e yu daraptan yan! Tau kami mung kalupa yu! Dinatang kami keti ba ming iyatad ing Mayap a Balita ban painggulut kayu karetang alang kwentang bage, at magbalik kayu lub king Dios a mabie a mengawa king banua, king yatu, king dagat, at king sablang atyu kareti.

Ding Dapat 20:7

Domingo kanita inyang mitipun kami para king pamisulusulu anting mikakapatad. Migsalita ya i Pablo karing tau at e ya tinuknang migsalita angga itang kapitangan bengi, uling mako ya ita mu ring kabukasan.

Ding Dapat 4:24

Inyang dimdam da iti, ngara ngan menalangin king Dios, O Ginu at Miglalang king banua at yatu at king dagat at king sablang atyu kareti!

Deuteronomio 5:15

E yu sa kakalinguan king meging ipus kayu naman king Ehipto at aku, ing Ginung kekong Dios, linigtas da kayu karin king kapamilatan na ning kanakung upaya at sikanan. Inya inutus ku king ipangiling ye ing Aldo ning Sabbath.

Hebreo 4:4

Uling anti kaniti ing masasabi king metung nang dake ning Kasulatan tungkul king kapitung aldo, King kapitung aldo, pepaynawa ya ing Dios king sablang dapat na.

Kapahayagan 10:6

at sinumpa ya king lagyu ning Dios a mabibie kapilan man, ing linalang king banua, yatu, dagat, at karing sablang bage atyu kareti. Nganang sinabi, E na lumuat!