Exodo 20:1 - Ing Mayap a Balita Biblia

¹ Migsalita ya ing Dios at ila deti ring amanu na:

Exodo 20:1 Iomraidhean Croise

Nehemias 9:13

Ibat banua king Bunduk ning Sinai karin ka minta; karing kekang memalen migsalita ka, at ding mayap mung tuntunan at kautusan karela binie mu la.

Exodo 19:25

Kinuldas ya i Moises king bunduk at pintalan na la ding tau, at belita na karela ing sablang sinabi na ning Ginu.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Ding Dapat 7:38

Ya naman itang minantabe karing Israelita a mitipun king disyerto; atyu karin kayabe da ring kekatamung makatua, at itang anghel a migsalita keya keta king Bunduk ning Sinai; tinggap na ing mabie nang amanu ning Dios ban ipayabut na angga kekatamu.

Ding Dapat 7:53

Ikayu ding mekatanggap king kautusan ning Dios, kautusan a binie da ring anghel. Makanyan man ikayu ding e tinupad kaniting kautusan!

Deuteronomio 10:4

At sinulat na la ning Ginu ding mismung Apulung Utus a misulat karing minunang tinabas a batu a binie na kekayu kanitang migsalita ya kekayu libutad ning api king aldo ning pamitipun yu. Binie na la kanaku ning Ginu.

Deuteronomio 4:33

Atin na waring taung antimo kekayu a mekaramdam king siwala na ning metung a dios a manibatan libutad ning api at kaybat e ya mete?

Deuteronomio 4:36

Ibat banua migsalita ya ban ituru na kayu at pepakit ne keti king yatu ing mayupaya nang api at mekipagsalita ya kekayu libutad na niting api.

Deuteronomio 5:22

Ila deti ring kautusan a sinabi na kekayu ning Ginu inyang mitipun kayu karin king bunduk kabang migsalita ya king masikan a siwala libutad na ning api, ning lulam at makapal a dalumdum. Ala neng digdag at sinulat na la karing aduang tinabas a batu at kaybat binie na la kanaku.

Deuteronomio 5:4

Karin king bunduk libutad ning api, migsalita ya ing Ginu kekayu lupa't lupa

Deuteronomio 5:6

Aku ing Ginung kekayung Dios, ing migligtas kekayu king pangayalipan karin king Ehipto.