Exodo 2:3 - Ing Mayap a Balita Biblia

³ Inyang e na ne agyung isalikut, kinangwa yang maragul a takba a megawa king tangke ning timbu, at penapalan neng alketran ban e ne aluban ning danum. Lilan ne keting takba iting anak, at kaybat binili ne ing takba libutad ding timbu king pampang ning ilug.

Exodo 2:3 Iomraidhean Croise

Genesis 11:3

Ngarang misabi-sabi, Tara, gawa tamung tisa at ilutu ta la king ornu. Ding tisa ilang peka batu ra at ing alketran ya ing peka semento ra.

Genesis 14:10

Mitmu yang talaga a pikukuanan alketran ing Kapatagan ning Siddim. Kabang tatakas la ding ari na ning Sodoma at Gomorra menabu la karing talagang alketran kabang ding aliwa naman pesitakas la karing bunduk.

Genesis 6:14

Gawa kang barku king sipres a karutungan. Dinan meng miyayaliwang partisyun at panapalan meng alketran kilual at kilub.

Exodo 1:22

Kanita minie yang utus ing ari karing sasakupan na. Ngana karela, Iyugse ya king Ilug ning Nilo ing balang anak a lalaking mibait karing Hebreo, oneng paburen yu lang mie ding anak a babai.

Isaias 18:2

Ibat king lugal a ita datang la ding tubud king Ilug ning Nilo; makasake la karing bangka a megawa king timbu. Muli na kayu, ikayung masalusung tubud! Idala yeng mibalik iting mensahi king bansa yung kewani da ring ilug, king masikan at mayupaya yung bansa, karing memalen yung matas at mapinu balat at pitatakutan da ring tau king mabilug a yatu.

Isaias 19:6

Mantut la ding piagusan nang danum ning ilug kabang lalangi lang tunggal ditak. Langi la naman ding timbu at tike

Isaias 35:7

maging dagat-dagatan ing mapaling balas, at kumatmu yang sibul ing malanging gabun. Karing lugal a sadia rang tuknangan ding asung-gubat, dikut at timbu ing tumubu.

Mateo 2:13

Kalako da ring Mangabiasa, pepakit ya ing anghel ning Ginu kang Jose king kapamilatan na ning paninap. Ngana, Mibangun ka, idala me ing anak ampon i ima na at munta kayu Ehipto. E kayu mamako karin anggang e ku sabian, uling papaintun neng Herodes ing anak ba neng ipapate.

Mateo 2:16

Mimua yang e mu nanu i Herodes inyang abalu nang melinlang ya karing Mangabiasa. Inya pepapate na la ngan ding anak a lalaki karin Betlehem at karing makalapit a lugalding sablang anak a lalaking atin nang aduang banua tua at pababa, agpang king ikua nang ausisa karing Mangabiasa.

Ding Dapat 7:19

Lininlang ne ing kekatamung lahi at meging mabagsik ya karing kekatamung makatua; sapilitan na lang pepayugse lual bale ding bingut dang bayung bait ba lang mate.